19-12-2006, 07:02 PM
|
#6 (permalink) | |||||||||||||||
|
26. Dîsa ji nû bêhal e dil :
____________________ Dîsa ji nû bêhal e dil Saqî werîn cama zucac Muştaqê xemra al e dil Lê xweş-i anîbit mizac Saqî ko dêm mehweş bitin Kagul ji şêva reş bitin Qerqef bila ateş bitin Em dê bi wê dil kîn 'ilac Da em bi wê dil hey bikîn Pê sîne dax û key bikîn Sed menzilan pê tey bikîn Ew dê di seyrê kit rewac Bê nûr û narê muhbetê Bê neqş û sun'ê qudretê Naçîn meqamê wesletê Nûrun lena we- l-leylu dac Ev narê sîqala dil e Da'im li wê qala dil e Newroz û sersala dil e Weqtê hilêtin ew sirac Hetta bi nûra badeyê Rengîn nekî seccadeyê Dûr î ji wê şehzadeyê Durdaneya gerden ji 'ac Durdaneya gerden bilor Reyhan ji ser werdên di Cor Hey hey bi mestî têne dor Xala li nik ferqê bi tac Mihra te pir ebter kirîn Xalan ji ber biskan derîn Zulfa muselsel 'enberîn Çîn çîn ji Çînê tête bac Tenha ne Kurdistan didin Şîraz û Yeng û Wan didin Her yek li ser çehvan didin Ji Espehan têtin xerac Çehvên belek qewsên helek Çerx û felek xalib melek Fî hubbiha 'umrî delek We-l-hubbu yecrî fî 'ucac Şahid hezar reng xemmilîn Reqs û sema pê kemmilîn Îro Mela em sed dil în Saqî werîn cama zucac Melayê Cizîrî 31. Dilberê îro seher : _________________ Dilberê îro seher Avête cergê min du dox Yek li sîne yek li dil da Lew ji min tên ax û ox Ah û oxên min ji dil tên Lê ji ber tîra qizil tên Yan ji kovanên di kul tên Jê dizêt her xwîn û zox Xwîn ji dil co co rewan tê Wek 'eqîq û erxewan tê Lê ji dest selwa ciwan tê Ew şepala şeng û şox Ew şepala şox û şeng e Kafira rom û fireng e Dame ber cotek xedeng e Zalimê kuştim bi dox Zalimê kuştim şepalê Nazikê qencê delalê Bûn hicaba zulf û xalê Îdek û 'ala û tox Netrik û tayên bi rîşî Ê di zêr in pê ve wîşî Min du fêris dîn di pêşî Mirwet û insafi yox Lew heriftim ez ji meylê Şubhetê sehlê we seylê Muhbet û 'işqa di Leylê Ez kirim yekser pilox Dest nehêlim ez ji dînê Şubhê Ferhad û Şirînê Wer ji ber 'işq û evînê Min di rê çit ev kilox Suhbeta çerx û sema tê Wek Melê sed mubtela tê Zemzem û ava heyatê Muşterî sed şeyx û şox ******* 32. Heyheya reqs û semaya te çi xweş bestiye çerx : __________________________________ Heyheya reqs û semaya te çi xweş bestiye çerx Ko di bircê bi sema têt li ser destê xwe berx Sofiyên her di tewafê Heceri l-eswed e qesd Gul û sinbil bi sema tên hemiyan zimzim û çerx Neqşê elmasî li elmas-i binê girtiye herf Xettê yaqûtî li yaqût-i şikênandiye nerx Kerixîn em di qiyamê me ji dil perde dirand ‘Arifê weqt im û Me‘rûf-i bila bête ji Kerx Da binasî xeterên rê tu nebî xafil-i jê Dicle ye lê di pir in bir birê pêl û ber û merx Pîrê şe‘‘ar e di şi‘rê we Melê şalifiroş Tu nişan min mede Ferxî ko li nik min bûye ferx Melayê Cizîrî 33. Sirrê wehdet ji ezel girtiye hetta bi ebed : _________________________ Sirrê wehdet ji ezel girtiye hetta bi ebed Wahid û ferd e bi zatê xwe wî nînin çu 'eded Di qidem da ezel û 'eynê ebed herdu yek in Sermediyyet we dixwazit ne ezel bit ne ebed Ferq e wahid ji ehed lê di meqamê semedî Bi heqîqet ko yek in herdu çi wahid çi ehed Yek e derya tu bizan qenc-i çi mewc û çi hebab Di esil da ko hemî av e çi av û çi cemed Afitabê ehediyyet di xwe da girtiye kewn Ne ko 'ewrek heye lê girtiye çehvên me remed Husna zatê but û latan ji cemala semed e Ji misala senemê we ko tecella ye semed Xeyrê derya niye sehra bi heqîqet emma Ji rûyê keyf e ko ev ave bûyî şubhê zebed Kulle yewmin huwe fî şe'nin nebî xafil-i jê Her peyapey ji şu'ûnan dikirit feyd û meded Ger di Adem bidiya sirrê 'ilim Iblîsî Hînema ebserehu kebbere hînen we-seced Çi zeman û çi mekan û çi cihat û çi hudûd Çi meqadîr û tefasîl û hisab in çi 'eded Çi munafat û luzûm in çi qiyas û çi misal Ev çi tewlîd û çi terkîb e çi rûh in çi cesed Ser bi 'iczê didirit quwwetê derrake-i ma Rece'e l-'eqlu kelîlen we-meta qame qe'ed Hîret û 'icz e serencam-i di babê nezerê Key bi xaliq nezerê qasirê mexlûqê resed Guftûgoyê me'rifet çendî Mela peyda bikî Gewhera me'rifetê nagihetê kes bi xired ***** 35. Neyşekera gerden ji ‘ac : _____________________ Neyşekera gerden ji ‘ac Dîsa ji reştûzên semed Qewsên li bala ferq û tac Keyber reşandin bê‘eded Keyber reşandin bêhisab Misrî ko dan sîqal û tab Sed Ristem û Efrasiyab Kuştin li wan ker kir cesed Sed padişah û Xwisrûyan Can dan ji ‘işqê we rewan Nisrîn û lebsê erxewan Min dîn li bejna serwiqed Min dîn li bejna ‘er‘erîn Tayên zubad û ‘enberîn Bayê seba da çenberîn Zulf çûne ser nûra semed Zulf çûne ser nûra zelal Carek were bayê şemal Biskan ji ser dêmê vemal Zulfan ji ber cotê esed Sehharê cohtê cadûyan Îro ji remza ebrûyan Dil girt û da ber kaşoyan Ker kir li miskînan kebed Dil girt û da ber xenceran Kuştim nigar û dilberan Me j’destê zulma esmeran Dad û meded dad û meded Dilber ji le‘lên xwey şefaf Da min meya gulgûn û saf Deryayê ‘işqê qaf û qaf Peyweste têtin cezr û med Husna munezzeh bê misal Ser de libasê xett û xal Sergeşte heyran ma û lal Ehmed ko dî nûra semed Ellah ji nûra sermedî Yek qetreyek da Ehmedî Şîrînî yû remzek we dî Medhûş-i ma hetta ebed Melayê Cizîrî 39. Cana ji cemala te muqeddes qebes im ez : _____________________________ Cana ji cemala te muqeddes qebes im ez Ger xob û perîzade nezer kî te bes im ez Mislê mehê new ger te divêtin me bibînî Mêze bike camê tu dizanî çi kes im ez Yexma ji me can kir ko tecellayê li dil da Min rûhê di qalib tu yî tenha qefes im ez Hubba te ye min radihejînî ko binalim Şeb ta bi seher nale ji rengê ceres im ez Min go mehê new çaşitiyê ebrûyê yarê Go min çi hed e şubhetê ne'lê feres im ez Saqî ji ezel yek du qedeh bade bi min da Hetta bi ebed mest û xumar û teles im ez Cana tu yî min can gulê bêxar-i gerem bî Minnet ko ne wek bilbilê mihnet 'ebes im ez Sed cewr û cefa dî bi me naçîn ji derê te Yekser tu nebat î we li teb'ê meges im ez Ger we te divêtin bibirî ser bike ferman Da vê se'etê ser bibirim xweş meqes im ez Ser ta bi qedem ez bisojim şubhê Melayî Perwanesifet sohtim û bêsewt û his im ez Melayê Cizîrî |
|||||||||||||||
|
|
19-12-2006, 07:03 PM
|
#7 (permalink) | |||||||||||
|
46. Îro Mela serapa lew têk-i bû me ateş :
_________________________________ Îro Mela serapa lew têk-i bû me ateş Min dî seher xeraman neyşekera şirînmeş Ya reb çi turfe mêwe evrenge mey dibexşet Şi'ra me tê perîşan nezma me tê muşewweş Dilgeşte min ji dêrê naçim kenîşteyê qet Mihrabê wê bi min ra wer da biçîne Laleş Mehbûb-i wek stêr e govend û 'işqibazî Têkil biçîn semayê hişyar û mest û serxweş Heywan li kû dimînit em muftiyê zeman în Bêtin ji destê saqî cama zelal-i bê xeş Wer guh de çeng û nayê şîrîn ko bên semayê Camê binoşe vêran çi sade û çi zerkeş Tali' ko têt û furset muhlet li nik heram e Min 'umrê Nûh-i nîne wer saqiyo bi lez xweş Neyşekkera şirînqed me ji dest te mey divêtin Da sîne pê cela dîn rewşen bikîn dilê reş Camid çi kin bi husnê ko wan nezer li xwar e Xerteb'etên di ebleh çi nêrgiz û çi kerbeş Kore xwe nasipêrit carek bi dest delîlan Ebleh çi kit tewafê nabînitin Berê reş Bêzê dikit ji qencan ji remz û naz û xencan Qedrê gulan çi zanit kerbeş divêt kerê reş Feyda me şubhê Nîl e em Dicle û Firat in Ger şeyx û wer imam e vê ra ye min keşakeş Şoxa ko ez di bendê dil girtiye kemendê Letîf e zuhresîma ebrûhilal û mehweş Birhên ji qewsê qudret nîşane kir Nişanî Lami' ji ber dibarin çi yengiyek we perweş Ellah li min hubba te çi şekker û nebat e Ji nû ve dê ciwan bim ger bihn bikim gula geş Melayê Cizîrî 53. Mey nenoşî Şeyxê Sen‘anî xelet : _______________________________ Mey nenoşî Şeyxê Sen‘anî xelet Ew neçû nêv Ermenistanê xelet Mislê Mûsa wî tecellaya te dî Ê tu dî kanî xeta hanî xelet Wî nedî bejna te û dayê qiyas Hikmetê lew çûye burhanê xelet Setweta Leylê yeqîn Mecnûn tepand Wer ne qeys naket beyabanê xelet Wek Nişanî neqş û nîşanek te dî Ê ko nîşanek te dî kanî xelet Ez giham ava heyatê xef ji dil Xudr-i vajî çûye heywanê xelet Şahnişînên nazikan dayi‘ mekin Da nebînî dil bi vê xanê xelet Ellah Ellah çerx û dolabê dinê Nuqte qet nakit di dewranê xelet Roz û şeb her seyrê dîdara te tên Nakirin ew dewr û seyranê xelet Hon nebên meşşateyê xef daniye Hemqeran kir xal û nîşanê xelet Dê bi ser canê me murwet da me êx Bişkowên benda girîbanê xelet Ser nebî ber kufrê zulfê ‘aqibet Ez ditirsim lê ji îmanê xelet Pehniya vê çerx û dolabê dinê Nisbeta erbabê ‘urfanê xelet Nusxe’ê ‘alem hemî ‘unwanek e Nuqteyek nabit di ‘unwanê xelet Qulzum û bayên muxalif tê pir in Da nekelşên darê sukkanê xelet Da bizanî pehlewanî mûyekê Dest nedî li-l-lahi mîzanê xelet Wî di destê min gula geş pir xwinav Heyf-i bilbil çû gulistanê xelet Hêj-i sehwa xame’ê bû werne min Ev xelet nakir di dîwanê xelet Wî li ser bejna te ev seywan veda Wer ne nada roj-i seywanê xelet Geh dil û geh can dibin tirkên te tên Nakirin yexma û talanê xelet Meşrebê tirkan Firat û Nîl-i kir Teşneleb çû terfê ‘Ummanê xelet Pîrê hikmetbîn li wifqa meşreban Kes nedî mey rêhte fincanê xelet Rast e yek qanûn seraser nîne tê Xwehrî û pêçên perîşanî xelet Pakiteb‘ û quwwetek mewzûn divêt Da nedit sen‘et bi idmanê xelet Merdimên çehvên Melê ‘eksa xwe dî Wek Nişanî ma li nîşanê xelet Melayê Cizîrî 68. Daneyên ‘enber li nisrînan reşandin xalê xam : ____________________________ Daneyên ‘enber li nisrînan reşandin xalê xam Sosinên nazik li ser xalan çevandin dalê dam Cebhet û dêmê ji qudret lê nivîsî herf û herf Kagulan ta ta li ser herfan kişandî lam û lam Leyletu l-qedr û berat in zulf û cebhet subhê ‘îd Dêm weko fesla biharê lê qiyamet qedd û qam Ew perî weqtê di sundus da ji qundus bit xwiya Bende dê şah û geda bit Xwisrûyê şîrînkelam Herkesê carek diye ew zinde ma hetta ebed Wê nedîtî ew perîrû zindegî lê bit heram Herkesê camê ji destê wê binoşit noş-i bit Ê ji wî destî nenoşî zehr-i bit lê ew medam Wan di reqsê da ko dîm awir peyapey dane min Berq û tîrêjan li dil dan cezbeya ‘işqê revam ‘Umrek e dûr bûm ji canan ketme benda firqetê Nagihan perde hilanî go Melayêm es-selam Melayê Cizîrî 72. Min di ber qalû bela batin vi wê ra bû evîn : ______________________________ Min di ber qalû bela batin vi wê ra bû evîn Hêj li ser ‘ehda elest im ta bi roja axirîn Min divê lê eşkera kim carekê daxa nihîn Guftim ew ra ma du‘ago yî tu em ey hor-i ‘în »E‘redet ‘ennî we-qalet ma du‘au l-kafirîn« Ey şehê ‘alîcenab pir ‘aciz û perkende em Ah ji dest cewra evînê çi bikirim min bende em Sebr û taqet min neman lê bêkes û dermande em Ger bixwanî wer beranî bende em ta zinde em »Wacibun lî imtisalu l-emri maza te'murîn« Sohtim ez pêta evînê têk bûwem gird û heba »Inne lî ayati sidqin kane fî haze n-neba« Horiya roja liqaê nazika mexmûr qeba »Hebbeza rewdatu necdin zurtuha 'ehde s-siba« »Rewdetun yecrî 'ela erca'iha ma'un me'în« Min li ser bedrê munîr mektûb diye neqşê sewad Ser bi yek anî du nûnan xettê reyhanî du sad Hadirî min secde bir lew xerqê xwînê bû fiwad Ber derê baxê wisaleş hatifê awaz-i dad »Hazihî cennatu 'ednin fe-dxulûha xalidîn« Naêtin gohtin bi qal şerh û beyana husnê tu Dê bi hal û sir binasin dilfesana husnê tu Xweş Mela amancê tîran kir kemana husnê tu Qisseê 'işqa celal û dasitana husnê tu »Tilke enba'un yeqûlu n-nasu minna be'de hîn« ***** 76. Îro ji husna dilberê : ____________________ Îro ji husna dilberê Dîsa helak û serxweş în Remzên di wê şîrînsurê Sohtim bi pêta ateşîn Sohtim bi berqa lami' e Ew necm û bedra tali' e Şemsa semayê rabi' e Lew pir ji şewqê şewwişîn Pir şewwişandin wê dil e Zulfên siyah ser dan mil e Tora muxalif silsile Selwa 'eqarib lê meşîn Selwa 'eqarib lê weten Ew nazika nûrînbeden Qendê dirêjin guft û ken Biskan di lê kir baweşîn Biska siyah re'na ye mest Yek dî bi heyran pê ve dest Hemyan bi mestî helqe best Derbendê ew zulfa reş în Êsîr kirim zulfa çelek Ew horiya şubhet melek Tîr dan ji reştûzên helek Mecrûhê qewsê pirweşîn Tîr dan ji qewsê malzirav Ew gewhera pir şewq û tav Sotin li min cerg û hinav Lew têk ji cergê herişîn Cerg û cesed têk sohtine Lew xef xedengan nuhtine Ji qewsê hilalê jih tine Heyranê dêma mehweş în Hem bedr û hem Zuhra ye dêm Ji wê 'alema kubra ye dêm Xweş destxet û tuxra ye dêm Herfan ji miskê lê nişîn Lewhê ji nû sîqal bidin Herdem ji nû ve xal bidin Da dil bi yek dî pal bidin Nuqtan ji zêrabê weşîn Zulfa siyah 'enber bike Xemlê ji zêrê zer bike Zerbaf û dîba ber bike Misk û gulavê lê reşîn Mawer ke terh û bişkoyan Cîranê berg û lû'lûyan Ew 'er'er û selwa ciwan Şetrî bi mestî lê xwişîn Şetrî we tayên sor û zer Bayê nesîm lê da seher Li wê cebhetê hijiyan dû per Lewra sekara bêhiş în Meşha seher yarê şefîq Da min bi enguştên 'eqîq Ji wê badeya nûrîn rehîq Mexmûrê xemra bêxiş în Mexmûrê bê camê ez im Yexmakirê ramê ez im Çavnêrê peyxamê ez im Perwaneyê şem'a geş în Perwaneyên sotî kebed Dilber ji ber Birca esed Tîr dan ji reştûzên semed Lew têk ji xwînê neqqişîn Kuştim bi qewsê 'enber e Şoxê ji dil mil dan ber e Êxiste dil sed pencere Evrenge em mihnetkeş în Mihnetkeşên roz û şebê Der firqeta şêrînlebê Zulma ji ber destê te bê Ew 'edl e em pir pê xweş în Zulma tu kî pir pê xweş im Sohtîdilê hicrankeş im Mislê perengê ateş im Rûhek mucerred bêleş în Min dî sehergaha elest Camek ji kewser dost di dest Jê da Melê lew maye mest Hetta heyatê serxweş în ****** 78. Peyweste du ebrû li me mehbûbê kişandin : ____________________________ Peyweste du ebrû li me mehbûbê kişandin Sed gezme peyapey li ezê xeste reşandin Tîrek ji kemanê xedebê da cegerê rîş Mil dane ber û ser ji du goşan veweşandin Cohtê esedan pence li ser sîne nihandin Kullab-i gihandin dil û hestî herişandin Birhên te ji qudret ko numan goşeyê i'caz Peyweste kemanan li guhan goşe kişandin Mihra te di canê xwe ji dil xef kiribû min Dil çû ceger û sîne li ser canî ve şandin Nûnên te hilalê bi qeran yek ji sura heq Bê 'eyb-i li dêmê qelema xeybê kişandin Neqqaşê ezel ismê cemalê ko nivîsî Herfên te mucessem ji surê taze reşandin Reyhanî û dîwanî û hem suls û muselsel Yek yek we hezar reng-i ji husnê neqqişandin Ev ayeta nûrê ji Mela ra ko nivîsî Katib ji surê nuqte bi zêrabê feşandin ******
__________________ |
|||||||||||
|
|
|
19-12-2006, 07:03 PM
|
#8 (permalink) | |||||||||||
|
79. Şox û şengê zuhrerengê :
__________________________ Şox û şengê zuhrerengê Dil ji min bir dil ji min Awirên heybetpilingê Dil ji min bir dil ji min Wê şepalê miskê xalê Dêmdurê gerdenşemalê Cebheta biskan sema lê Dil ji min bir dil ji min Zulf û xalan nûn û dalan Wan ji min dil bir bi talan Goşeyê qewsê hilalan Dil ji min bir dil ji min Dên nedîrê bo 'ebîrê Xemrî û gîsû herîrê Sîne kir amancê tîrê Dil ji min bir dil ji min Surşirînê nazenînê Kuştim û nakit yeqînê Wê bi çengala evînê Dil ji min bir dil ji min Fetl û taban da xuraban Ebleq û cohtê şebaban Dame ber pence û kulaban Dil ji min bir dil ji min Xweşxeramê ez xulamê Nazikê şîrînkelamê Tûtiya eywanmeqamê Dil ji min bir dil ji min Mahirûyê miskiboyê Surpilingê şêrixûyê Wê bi zulfa şubhê goyê Dil ji min bir dil ji min Herdu weşman naz û xeşman Kê ji ber wan 'eql û hiş man Sa'eta min dî bi çeşman Dil ji min bir dil ji min Mahitabê afitabê Dêm ji roj û şeb niqabê Xweş bi çengal û kulabê Dil ji min bir dil ji min Serwinazê serferazê Şubhê zêr remza mecazê Dame ber çakûç û gazê Dil ji min bir dil ji min Bejn û bala tûx û 'ala Min kirin vêk ra mutala Çîçeka terhîn-i wala Dil ji min bir dil ji min Mîrê xazî şîrê tazî Vêk-i ran min dî bi bazî Kir li me j' xeflet ve gazî Dil ji min bir dil ji min Şîr û xişt in zulf û qişt in Hin veşarin hin vehiştin Pehlewanan dest vemiştin Dil ji min bir dil ji min Rohniya çehvên Melayî Ew tecellaya te dayî Ya ji Ehmed dil revayî Dil ji min bir dil ji min Melayê Cizîrî 83. Muhbetê mihnet di zor in : __________________________ Muhbetê mihnet di zor in Hub dibêm bêşek bela ye 'Umr û jî xweş pê diborin Sotin û derd û cefa ye Sotin û derdê evînê 'Illetê dax û birînê Xweş dibin ma ew bi dînê Şerbeta lêva mufa ye Her dilê sotî bi ulfê Yar ne derman kit bi zulfê Ta ebed ew bend di qulfê 'Işiq derdek bêdewa ye 'Işiq derdek bêtebîb e Lê mufa wesla hebîb e Kuştime cewra reqîb e Pir le'înê rûsiya ye Dax û key min lê hezar in Gul di dest şewkên bixar in Surperî dêw wê l' kinar in Ehremen xatem reva ye Teb'ê dêwan dest gehiştê Hor û wildanên bihiştê 'Aşiqê dilbendê qiştê Can bidit yek car rewa ye Mihnet û cewra hebîbî Qehr û azara reqîbî Heq tinê da min xerîbî Lê şukur baxwoy we daye Rohniya wê şewq û tavê Şerbeta qend û gulavê Kes nehin mehrûm ji navê Lê tinê bo min xela ye Bênesîb min dî ji camê Dûridûr mehrûm ji ramê Girtiyê wê qeyd û damê Ev xerîbê canfida ye Dûredest im bênesîb im Dilberim xanim hebîbim Pir ji dîna te xerîb im Rûh û rahet min liqa ye Pir mulazim têm liqayê Mame hetta multeqayê Min rihê şîrîn didayê Hudhud er mizgîn bidaye Hudhudê ridwanê xeybê Sed xeber şîrîn ji ceybê Da dilê min murde hey bê Guh li rê min wek seba ye Çehvenêr im guh li rê me Lê seba rê da ye bê me 'Erdihala muhbetê me Bendeyek sadiq Mela ye Canfidayê min di rê da Firqetê derbek we lê da Qalibek bêrûh e wê da Kuşt dibêm min lê rewa ye Dem bi dem ew çehvenêr e Bête nîşanek me jê re Da bibit ew zinde vê re Yarê sadiq bêbiha ye 'Aşiqên sadiq di kêm in Ma dibê sed can fidê min Zanim ew najîte bê bin 'Aşiq û pir mubtela ye 'Alim în em vê dizanîn Cism e ew em rûh û can în Qet ji hev batin xwiya nîn Gerçi zahir ew cida ye Hudhudê wê remz û razê Ba bû ew çû goft bi sazê Qisse bir behsa mecazê Qasidek xweşteb'-i ba ye Ba demê weqtê mecal da Çû kû ew yareh bi pal da Qisseya halî bi hal da Guh didêrit yar-i ba ye Muhbeta mehbûb û latan Pir vekir zîwersifatan Daye qelb û rûh û zatan Roj di mir'atê xwiya ye Muhbeta sorî du qism e Qufl û miftah û tilism e Hin ji rûh in hin ji cism e Nar û nûr e hin hewa ye Hubbê cismanî du roj in Gerçi dil pir pê disojin Xef ceger peykan dinojin Mislê neqş-i bêbeqa ye Gul heta sohr in bi tê ve Bên tebessum pê ve pê ve Bilbilê serxweş di nêv e Nexme û nal û newa ye Herçi cilwa bû ji navê Nû gulek dî girt xwinavê Wî ji dil çû muhbeta vê Ew bi ya dî ra teba ye Herkesê muhbet ji rûh e Mubtelay nûra subûh e Wî di dil da sed curûh e Cezbe û lerzîn û ta ye Herdu rûh yek nûrê tav in Çerxek û du stêr di nav in Herdu dane murxê dav in Ismê hey dav lê veda ye Nûr e pir nadir wucûd e Gerçi ewwel nar û dûd e Berqê lami' dê li kû de Hub di qelban kîmiya ye 'Arif î cewherşinas î Ê bi vî wesf û libasî Dê qedir behter binasî Meq'edê sidqê ceza ye Dûr nekî da wî ji derê xwe Wernegêrî ji wî berê xwe Boriye ew di serê xwe Ser di nava rê nihaye Ma dibit ew dûredest bit Dê ji fincana te mest bit Cam ji şehkasê bi dest bit Ebteran ew mey dewa ye Yarê pir husnek li bal bû Dilberek xayet cemal bû Ew bi hal ageh bi hal bû Şubhê wê şefqe w 'eta ye Mehdera wî xeyrixwazî Nukteyek j' wê remz û razî Wê bi dil seh kir ji sazî Muxnî û qanûn û nay e Yûsifê dewr û zemanî Go nesîm han vî nişanî Lê ji bo nekhê dehanî Nexweşan ew lê şifa ye Mawera belgên gulê bû Bihn û bûya kagulê bû Darûwê qelbê Melê bû Lew bi çehvên min cila ye Banesîm dê çî lezînî Sax û salim ma tu bînî Vî kumêdî lê gehînî Da siwar bit lê peya ye Xefletî, bayê nesîm hat Xef ji bal yarê kerîm hat Pir bi ihsanek 'ezîm hat Qasidê şahê geda ye Dil nefes dîsa bi ber hat Lew hekîm Luqman bi ser hat Nafi'ê derdê ceger hat Tali'ê kewkeb numa ye Min ko ew nîşan giheştê Ev dilê sed dax-i reş tê Zerreyek xweş lê neheştê Ismê e'zem pê gihaye Çûme ser pişta kumeydî Min jî pir ew jan û key dî Behr û ber me l' ber xwe tey dî Deşt û çol û Kerbela ye Me w nesîm xweş pence têk ra Wê diçîn wek teyr-i vêk ra Behsê zulfa yarê pêk ra Borê 'işqê pir fira ye Gunbeda nûrîn xwiya bû Spêdeya sadiq numa bû Yek bi yek şewqê veda bû Qesr û eywan û sera ye Qumrî û bilbil dixwînin Lê 'eceb ew xweş dimînin Her seher mehbûb dibînin 'Endelîb vê ra teba ye Buxçeya sorgul di geş tê Çîçek û reyhan-i reş tê Dilrubayan tîne geştê Sinbilan ta-ta sema ye Sebzeya şebnem gulav lê Sor'eqîqan dur xwinav lê Dilberan seyran û rav lê 'Er'eran sîtab-i daye Bûm şerîf ez b' asitanê Şahidên wê gulistanê Saqiyan cam cam didanê Kewkeban seywan veda ye Çendekê çemen xwirem bû Lê medam ew subhedem bû Min bi hiş baxê Irem bû Lê seba go min Seba ye Sef bi sef wildan perî bûn Bendê zulfa 'enberî bûn Têk li dêmê muşterî bûn Reqs û govend û sefa ye Pir 'umir min çû bi suxtî Lê şukurxwaz im ji bextî Zuhreyek bû ew li textî Belko bêm Şemsu d-duha ye Perdeya xelwê ko hilda Yengiyek min dî di mil da Gezmeya jehrî li dil da Qet nego qetl û xeta ye Hadirî çûm secde jê ra Lê niyet ihram ne vê ra 'Aşiqê ev gezme tê ra Herçi ta'et kit rewa ye Çûm ziyaret pê û destî Lê nehişt ewwel bi qestî Da bisojit rûh û hestî 'Aşiqan sotin ceza ye Şerbeta wesla xwe nadet Ta hinek 'aşiq ceza det Dilberan ev reng e 'adet Mehrûyan kemtir wefa ye Pîşe'ê wan xenc û naz e Sen'etê 'aşiq niyaz e Yar li ber zazan 'icaz e Şerbeta şîrîn mufa ye Çûm tewafa pê û destan Şubhetê sekran û mestan Ehlê hal û xobperestan Wan ji 'umr ev mudde'a ye Tilliyên nazik şemalîn Min li ser çehvên xwe malîn Talibê werdên bixal în Dil di vê fikrê teya ye Çû 'umir mi d' vê xiyalê Ma şevek 'îdan di salê Bêm ziyaret zulf û xalê Roj û şev min ev du'a ye Çerx ditirsim kit şitabê Zû ecel pê det rikabê Can biret mi d' vê 'ezabê Ev siyahreng ejdeha ye Çendekê sadiq cema bin Er bibêjî can fida bin Wek Melê lazim tu nabin Wî ji dil canê xwe daye Melayê Cizîrî
__________________ |
|||||||||||
|
|
|
19-12-2006, 07:04 PM
|
#9 (permalink) | |||||||||||
|
88. Me lew fincan li ser dest e ko mehtaba hilal ebrû :
____________________________________ Me lew fincan li ser dest e ko mehtaba hilal ebrû Numayên min di mir'atê meya safa zelal ebrû Bi þîrînî bi zîbayî bi reftarî bi balayî Binê nûnên di tuxrayî li bala herdu xal ebrû Bila bêt saimu d-dehrî û bila iftarê carek bit Kesê zanî ji dilber wê xwiya bin her du sal ebrû Meþî mestane reyhanî dilê min dî di amancê Reþandî sîneyê tîran bi qewsê her du mal ebrû Sehergeh zuhresîma wa diçû gulþen bi seyranê Bi ser çehvên Niþanî da xiramê ew hilal ebrû Dibên xawerperest î tu nizanin min di keþfê da Numayên min di þerqê nazika gerdenþemal ebrû Tinê ma her terazû ne di babê husnê kêþayî Hilalê xatemê husn in li wê dêmê bixal ebrû Me cewher 'unsurik xamis numa îro di tali' da Di vê teqwîmê insanî li tali' bûne fal ebrû Bi zunnara di dêrê da li hindava çilîpayê Bi mihrabê me bir secde belê emma xiyal ebrû Di mabeyna du ebrûyan dibînim qabê qewseynê Didit min terfeti l-'eyni cewaba sed su'al ebrû Di batin secdegahê min li ber wan herdu ebrû ne Bi 'eynê taqê mihrab in di 'ilmê ehlê hal ebrû Eger de'wayê Mûsayî di 'iþqê da bikim ca'iz Mela dayim tecella ye ji wê terha þelal ebrû Bi þîrînî bi zîbayî çi katib bû we kêþayî Te'ale l-lah niþan dane we þîrîn ev misal ebrû Ne þîrîna li derbendê ne mehbûbê Semerqendê Ne kêþayîn bi vî rengî li neqþê bêzewal ebrû Niþana qabê qewseynê ko qews avête ebsaran Di teqwîma tecellayê bi ser lê bûn hilal ebrû ****** 92. Hê di ber qalûbelayê belko ew ‘alem nebû : ___________________________________ Hê di ber qalûbelayê belko ev 'alem nebû Çerx û dewran dewrê gerdûn gunbedê mîna nebû 'Erþ û kursî hêj di mexfî bûn di kenza qudretê Husnê heq bû istiwayê lami'a 'iþqê hebû Nehtibûn hukmê sifatan ew ji zatê lem-yezel 'Aþiq û me'þûq-i yek bûn þem' û hem perwane bû Husn û hub zatê qedîm in lê cida bûn ew ji yek Lê niha ismê hudûsê hikmet û tefsîl we bû Yek di zatê surþirînan bû cemal û husn û sur Yek di qelbê ehlê dil nar û celal û cezbe bû 'Aþiq û me'þûq-i el-heq herdu mir'atê yek in Lew di eslê cem'ê da eslê qedîm ayîne bû Cezbe û seyra sulûkê bêmehebbet nabitin Cehdeya bê'iþq û hub çendî ko kir bêfeyde bû Salikên 'iþqê yeka yek hewce nînin ez bibêm Cameya pîrê terîqê ser ji nik þehzade bû Reng û reng ehlê meqamatê terîqê çûne seyr Hin celal û hin cemal û sermeyan ev bade bû Ê birî 'eynê beqayê badenoþê 'iþqê bû Ê bûyî mehwi-fenayê 'aþiqê bêçare bû Êk ji wan perwane bû soht û fixanek jê nehat Êk ji wan teþbîhê goyînê bi ah û nale bû Awirên eswed'uyûnan 'aqilan sewda dikin Gezmeya 'aþiq vi dil keftî ji çehvên þehle bû 'Aþiq û me'þûq-i da wasil bi yek bin bêhicab Mehw-i bû bi-z-zati 'aþiq lew di 'iþqê perde bû Lew di 'iþqê da fena bû da bibit baqî bi dost 'Aþiqê fanî nebû wasil hetta baqî nebû Nuqteyê 'ilm û sewadê herf û neqþê 'alemê Ser didin me'nayekê eslê sewadê nuqte bû Her yek e û dê yek bimînit ewwel û axir yek e La cerem nabî du bê, ê dê bimînit her hebû Herçi de'wayê di 'iþqê da Melê sabit kirî 'Eynê de'wayê di nefsi l-emri dîsa þehde bû Melayê Cizîrî 94. Îro ji derba xencerê : ______________________ Îro ji derba xencerê Lazim biêþan î Mela Teþbîhê zulfa dilberê Zanim perîþan î Mela Zanim perîþan î ji dil Bêhed biêþan î ji dil Teþbîhê biryan î ji dil Bi l-lah ne insan î Mela Bi l-lah çi teb'et adem î Yekser dibêm yek 'alem î Deryayê Qaf û Qelzum î Yan çerx-i gerdan î Mela Ya reb çi wê mihnetkeþ î Ser ta qedem têk ateþ î Mecrûhê qewsê tûzreþ î Lew dil bi peykan î Mela Zanim ji 'iþqê dojeh î Behrek ji narê asih î Îro li mahê xergeh î Teþbîhê seywan î Mela Ev sîneya wek nay û ney Pir lê kiþandin dax û key Hê dil bi naehlan didey Ya reb çi nadan î Mela Durdaneya dêmgewher e Ayîneya Eskender e Bê mirwetê dil kir ker e Mecrûhê xalan î Mela Bê mirwetê dil heriþand Teþbîhê þîþê lê kiþand Ker kir ceger xwê lê reþand Ateþ li ser danî Mela Narê ji rengê dojehê Husn û cemala wê mehê Me d'perdeya vê xergehê Xef kir çi 'Umman î Mela Îro li 'umrê xwey telef Bê þahid û cama sedef Bê çeng û saz û nay û def Zanim peþîman î Mela Zanim te kohê Tor e dil Lew her bi nar û nûr e dil Þehkaseya ferfûr e dil Lew mest û sekran î Mela Her sîne tabê natemam Napuxte xam bê mihr û cam Xerqên di xwîna dil medam Le'la Bedexþan î Mela Pir le'l û dur te j' kilkê 'iþq Anîne nezma silkê 'iþq Der berr û behrê mulkê 'iþq Me'lûm e xaqan î Mela Bêhed li qelb-i þubhê ney Cewra te danîn dax û key Lew bêhemel xweþ nîne mey Emma bi þîranî Mela Minnet ji tali' her ji bext Asif bi text û bext û rext Belqîs ewî anî bi wext Îro Suleyman î Mela Ew herdu le'l û herdu weþm Geh geh bi naz û geh bi xeþm Ew bejn û bala hate çeþm Me d'seyrê rûhanî Mela Melayê Cizîrî 96. Ey þehinþahê mu‘ezzem heq nigehdarê te bî : ____________________________ Ey þehinþahê mu‘ezzem heq nigehdarê te bî Sûreyê »inna fetehna« dor û madarê te bî Her kinarê pê ve wergêrî 'inanê himmetê Zuhre bê peykê te û Kêwan rikêbdarê te bî Dayima menzilgeha sûra te bit birca Þeref Tali'ê ferxende û bextê se'îd yarê te bî Seb'eyê seyyare û neh çerxê sergerdan bi vê Girdiþ û dewrê 'eceb der xizmet û karê te bî Mahitaba dewletê yek pertewek þem'a te bit Afitaba ref'etê berqek ji enwarê te bî Lami'-i fetha ezel berqê ji ber tacê te dit Kewkeba se'da ebed necmek ji seyyarê te bî Berqê subbûhî ko iþraqê li sed canan didit Ew ko keþfa dil dikit remzek ji esrarê te bî Rayeta fethê ji nesra te ko her menþûr-i bû Þehsiwarê ferrê subhanî 'elemdarê te bî Ney tinê Tebrîz û Kurdistan li ber hukmê te bin Sed wekî þahê Xurasanê di ferwarê te bî Gerçi der iqlîmê rabi' hate textê seltenet Padiþahê heft-i iqlîman selamkarê te bî Çîmena sultaniyê yek laleyek baxê te bit Gulþena xaqaniyê xarek ji gulzarê te bî Ê ji emrê tey mukerrem serkeþî kit þubhê þem' Ber serê tîxê te û meqtûlê mûkarê te bî Þahibaz er çend-i perwazê bi bala bêt û ret Dê di nêv tora te bêt û seydê þunqarê te bî Þahê pirheybet didêrit lê bi sehmê zêde yî Sa'eta xeflet xwiya bî kûz di bin barê te bî Her serê dewlet hebit dê her di nêv benda te bit Her kesê 'aqil bitin dê her di çokarê te bî Ê divêt azade bit dê çehvnêrê lutfa te bit Herçi istixna di dil ber minnet û parê te bî Her kesê qestek di dil dê qest-i dergahê te kit Ê di xatir ercû kit dê her ricakarê te bî Ê ne dewletxwahê hedret bit ji nêva can û dil Þubhetê ehlê þeqa ber qehr û azarê te bî Ma bi 'êþ û noþ û þahî ew qeder 'umrê te bit Çendekê salik mucedded bêt û bêzarê te bî Her kesê ne j'can du'ago û senaxwanê te bit Girtiyê qeyda te û amancê nûbarê te bî Medrekê 'ilmê demîrê þemmeyek wesfa te hat Wer ne key 'alem bi þe'nê qedr û miqdarê te bî Qest û daxwaza Melê da'im ji can û dil ev e Her di benda xizmetê pêþdestê dîdarê te bî 104. Îro ji nû pir ateþ im : _____________________ Îro ji nû pir ateþ im Dîsa ji remza dilberê Mecrûhê qewsê pirweþ im Tîr dane nêva cegerê Tîr dan ji qewsê eswed e Þehzadeya þîrînqed e Kuþtî ne wek min çendsed e Wê padiþah û beglerê Wê beglerê pir kuþtine Enguþt bi xwînê riþtine Ma ehlê dil qet hiþtine Sohtîne mislê mecmerê Lê ez tinê ser ta qedem Yekser disojim dem bi dem Wesfên di 'iþqê ez çi dem Nayên hisab û defterê Wesfên evîn û 'iþqehê Husn û cemala wê þehê Nayêne þerh û medehê Ehsen ji neqþê beþerê Ehsen ji husna dêmdurê Þîrînî û guft û surê Sed zahid êxistin ji rê Wê nazik û lebþekerê Þekker di nêv lêvan e wê Reyhan li dor sêvan e wê Meþ'el di nêv þêvan e wê Tîsê ji rengê fenerê Fener niye nûra heq e Husn û cemala mutleq e Berq e spêd e û þefeq e Zuhre we þemsa xawerê Zuhre we mah û muþterî Min dîn li dêmê enwerî Zulfa muselsel 'enberî Ser daye hewda kewserê Hewda ji kewser çeþme tê Ya cih di rewda qudretê Herdem ji nû wê ser de tê Xemrî we tayên 'er'erê Xemrî di reþ zulfa herîr Werbûn li dor bedra munîr Birca ko hakim lê du mîr Min dîn li textê kiþwerê Textê di mîr û begleran Meydanê coqa goygeran Eslan û cotê meyxwiran Mey dan þeraba saxerê Saxer bi dest serxweþ we mest Weqtê sehergeh dest bi dest Xeflet du begler meyperest Kuþtim bi derba xencerê Kuþtim bi derba keyberan Gezme w xedenga awiran Remz û iþarat û suran Dan dil ji nêva pencerê Dan dil ji ber husna bi nûr Berqa tecellaya sudûr Lew sohtîyem wek kohê Tor Hubb û evîna enwerê Hubba te ma xweþ hiþtime Her roj ji nû ez kuþtime Yekser ji xwînê riþtime Tîr û xedengên Mecerê Gezmên di þîrîn nazikê Derbên di wê rimbazikê Çûyîne nêv dil gazikê Min dad ji zulma dilberê Dilber çi bêhed zalim e Carek nekir pirsî li me Lazim bi halê 'alim e Lê pir didêrit xederê Lazim bi qetla min divê Hêj ev di dil marê þevê Peykan di cergê da çevê Bend kir bi þewka 'enberê Bend kir kulab û penceyan Dil ma di nêv iþkenceyan Min ah ji dest wan xenceyan Kok û kubarên dînberê Remz û surên þîrînleban Tîroj-i berqên kewkeban Rêza muselsel 'eqreban Gerdan li dora qemerê Min dîn li dor bedra temam Herfên di mektûb dal û lam Wê pêþrewê batin revam Yexma kirim sîmînberê Sîmînbera neyþekerê Ew horiya nisbet perê Bejna þirîn dêmê zerê Bo ji gulab û mawerê Bo mawer û þîrînlebê Wê xob û nûrên xebxebê Bedra di Birca 'eqrebê Kengê ji ber perdê derê Bedra ji qudret lê du nûn Ew qatila eswed'uyûn Pir rakirin wê qetl û xûn 'Alem perêht yexmakerê Herdem bi zulmê we d'sojî Qelbê ji hubba tey tejî Lazim dibêm min dê kujî Kes nîne çîtin mehderê Kes nîne ret mehder bikit Bes girtiyan ebter bikit Xemlê ji zêrê zer bikit Þefqet li yekta biderê Þefqê bi dîdarê xwe kit Qesta birîndarê xwe kit Þehîdê reþmarê xwe kit Ê ser li fitla pêþterê Fitlê siyah marê þevîn Rêhan bi dor serwan çevîn Axir bi selwê da revîn Xef bûn di tayên çenberê Xef bûn di nêv tora qizil Îlan misalê ser li mil Kuþtîn û jehr avête dil Hêj kuþtiyên remza berê Kuþtîne em þîrînlebê Tehlîkeþên roz û þebê Ger ez bibînim ew bi xwe bê Nakim ji dil hêj bawerê Ew nazika nisbet gulê Camek ji kewser da Melê Mest im ji ber qalu belê Hetta bi roja mehþerê ******
__________________ |
|||||||||||
|
|
|
19-12-2006, 07:06 PM
|
#10 (permalink) | |||||||||||
|
110. Sebahu l-xeyri xanê min :
_______________________ Sebahu l-xeyri xanê min Þehê þêrîn zebanê min Tu yî rûh û rewanê min Bibit qurban te canê min Te'ale l-lah çi zat î tu Çi wê þêrînsifat î tu Ne wek qend û nebat î tu Yeqîn rûh û heyat î tu Heyat û raheta can im »Sebahu l-xeyri ya xanim« Were bînahiya çehvan Bibînim bejn û balayê Sebahu l-xeyri mesta min Letîfa cam bi desta min Xumar û meyperesta min Tu yî meqsûd û qesta min Ji meqsûdan tu yî bes min Bibin ber çerxê etles min Ji xeyrê te nevêt kes min Bi reþtûzên muqewwes min Di benda zulfê çewgan im »Sebahu l-xeyri ya xanim« Were bînahiya çehvan Bibînim bejn û balayê Ji wê zulfê ji wê bendê Reha bim lê ji peywendê Siyehçeþmê spîzendê Te sohtim þubhetê findê Þubhê þem' û þemal im ez Ji ber hubba te lal im ez De'îf im wek hilal im ez Sifet goyîn dikalim ez Vi bilbil ra bi evxan im »Sebahu l-xeyri ya xanim« Were bînahiya çehvan Bibînim bejn û balayê Vi bilbil ra þev û rojê Li ser wê terh û biþkojê Enîmahê þefeq rojê Te sohtim þubhetê dojê Ko dûr im ez ji wê horê Tinê carek li ser sûrê Ji Wadî-eymena Torê Tecella kir di nêv nûrê Ji wê sohtî dil û canim »Sebahu l-xeyri ya xanim« Were bînahiya çehvan Bibînim bejn û balayê Ji husna wê tecellayê Yedê beyda û balayê Çi wesfan bêm xeber nayê Welê dil cezbeyê dayê Ne hiþyar im ji wê berqê Ji zertacê li ser ferqê Spêde da heta þerqê Belê naêximê ferqê Ji derbê 'iþqê nalan im »Sebahu l-xeyri ya xanim« Were bînahiya çehvan Bibînim bejn û balayê Zerîf î nazik î þeng î Sifethor î perîreng î Bi rojê ra tu hevdeng î Du reþtûzên siyehyeng î Kiþandin lê ne wek caran Xedengên qewsê nûbaran Ji rengê þîr û mûkaran Reþandin sîne wek baran Ji wê derbê pir êþan im »Sebahu l-xeyri ya xanim« Were bînahiya çehvan Bibînim bejn û balayê Veke carek xet û xalan Li ser wan mesned û palan Bixwîne lê me 'ebdalan Bibînin 'îd û sersalan Îcazet dî me destûrê Perîrengê sifethorê Ji nêva zulmet û nûrê Binoþîn mey di ferfûrê Ji dil talanê xalan im »Sebahu l-xeyri ya xan im« Were bînahiya çehvan Bibînim bejn û balayê Ji þehkasa ko qerqef tê Meya nûrîn muþerref tê Niþanek dilberê keftê Ji bo min her seher xef tê Ji wê camê dinoþim ez Seher lew ney li hoþ im ez Ji 'amê lê dipoþim ez Bi can her lê dikoþim ez Ko xalib mest û sekran im »Sebahu l-xeyri ya xanim« Were bînahiya çehvan Bibînim bejn û balayê Were pêþber Melayê xwe Þehîd û mubtelayê xwe Bi þefqet ke liqayê xwe Mela nemrit bi dayê xwe Mesîhayê li bîmaran Kesên geztî du reþmaran Þehîdên þîr û mûkaran Kirî amancê nûbaran Li dîdara te heyran im »Sebahu l-xeyri ya xanim« Were bînahiya çehvan Bibînim bejn û balayê Melayê Cizîrî
__________________ |
|||||||||||
|
|
«
Önceki Konu
|
Sonraki Konu
»
| Konu Araçlarý | |
| Mod Seç | |
Düzenli Mod
|
|
|
||||
| Konu | Konuyu Baþlatan | Forum | Yanýt | Son Mesaj |
| Edebiyata kurdî ya Nûdem | Numberone | Çandi Giþti | 5 | 30-06-2007 10:41 AM |
| Giringîya Zimanê Kurdî: hevpeyîvîn bi Mele Ismet re | Numberone | Çiroken Kurdi | 1 | 30-06-2007 10:21 AM |
| Rewþa romana kurdî | sokrates | Çandi Giþti | 7 | 02-06-2007 10:57 AM |
| EDEBÝYAT'a KLASÝK A KURDÝ...!!! | PCkopat | Çandi Giþti | 6 | 05-12-2006 01:41 PM |
Forum saati Türkiye saatine göredir. GMT +2. Þuan saat: 07:56 AM .
(Türkiye için GMT +2 seçilmelidir.)
(Türkiye için GMT +2 seçilmelidir.)
