06-11-2006, 05:56 PM
|
#11 (permalink) | ||||||||||||||
|
Alıntı:
yüreğine sağlık heval ; mirza63 |
||||||||||||||
|
|
24-05-2007, 01:47 PM
|
#13 (permalink) | |||||||||||
|
Du Find
hûn evîna dilên me bûkên henasa azadiya çiyayên me hûn bûne barana çavên me şewqa Roja berbangê heyvên çardeşevî bi agirê dilê we li biharan gul bişkivî hênikahiya bayê biskên we payîz ji warê me dûr kirin we di spîberfa zivistanan de kulîlk li dilê me çandin bi taca we danî ser serê me ronî bû reştariya şevên me bi eşq û hesreta dilê we bi agirê şewata canê we newroz vêketin mij û dûmana reş dagirtibû sîngên evîndaran qelişîn û belav bûn jiyan kete ruh û canê me ez ronî bûm azad bûm bi roniya finda we goristan çirisîn taristan diriyan hûn Ronahî û Bêrîvanê hûn agirê azadiyê azadiya di sîng û pêsîrên dayîkan de bûyî agir 1994 Stockholm Xizan Şîlan
__________________ |
|||||||||||
|
|
|
24-05-2007, 01:52 PM
|
#14 (permalink) | |||||||||||
|
Li DÛrÎ Te
LI DÛRÎ TE dengê têlên kemanê dilê xwe yê jar diyarî melûliya awirên te dikim wêne bêreng in awaz bêdeng in dar piştxûz in şax xemgîn in pelik diponijin daristan tarûmar e şadî îskeîsk digirîn kanî dimiçiqin dem qurmiçîn awir li xilmaşiya çavan dicefilin hevok li ser lêvan nîvco man hest li keziya porê te penaber in bextewarî di gola hesretê de xeniqî neçarî li ser dilê min bû xençereke zengarî derya li agirê evîndariyê keliya li perestgeha giyanê benê tizbiya duayên min qetiya pêjn li kurtepisteke ne diyar diperpitin hêvî li nav pençeyên bareşa felekê perçiqîn li dûrî te helbestan li bejna te ya zirav dihûnim li kolanên xewle toza baranê li xwe dikim bîranînên xwe li hêlekana havînên te dihejînim sewdaseriya te kezeb û cîger li min peritandin ji şûşeya sermestiyê êşa keser û nalînan vedixwim were li leyistika şevbihêrkan bibe kembera nava min bi çirûskên kenê xwe tariya şevistanan bidirîne bi dengê lorîna êvarên xwe ji çavên mirina min axîna firmêskan bibarîne min li xem û xeyalên bizdonek bi germa henasa xwe binixumîne li dûrî te ez bûm qirşûqal û pûşekî teriqî li nav lîtavan çûkekî perşikestî me li valahiya asîmanê ewrekî bedbext im her roj di hembêza nebûna te de hezar carî dimirim û zindî dibim 2007-04-01 Stockholm Xizan Şîlan
__________________ |
|||||||||||
|
|
|
24-05-2007, 02:25 PM
|
#15 (permalink) | |||||||||||
|
Laneta Demsalan
LANETA DEMSALAN li jiyana kevzgirtî ahenga janê me ez ji çiçikên xemgîniya serdeman meya êşê dimijim li kolanên xerîbiyê lehengê tenetiya hilmgirtî me li rêzên rûpelan hevokek bênoqte me li tariya mij û dûmanan peşkên baranê me di movikên gerdûnê de xaçepirsek neferisandî me li şevistana bêdengiyê siwarê peyvê me li kûrahiya pêlên bîranînan noqî deryaya keseran dibim bêhna nîkotîneke tevzînok xwîna laşê min rapêça ye li şev û rojan girtiyê oda xwe me êş û tirs mêhvanê koşka giyanê min in li kemîna tofana îxanetê bûm nêçîrvanê nêçîra xwe pêşeroja xwe di qalikê hêviyên şikestî de vedişêrim di axîna kul û kederan de biyaniyê derûna laşê xwe me westîbûna temenê xwe di melûliya awirên dilberê de vedihesînim xeyalên şevên newêrek li sergêjiya qêrînan di xwe de qurmiçîn hest li nav lepên laneta demsalan di hêsirên veçiriyayî de dibehicin raman li bêxewiya bawîşkên xopan di gewriya xençereke tûj de dixeniqe hêlîna xem û xeyalên xwe di nalîna helbestan de ava dikim êdî min di azadiya vîna xwe de daxwaza nefsê kuşt bêhna bayê mirineke bêwext ji firnikên min difûre werin gora cendekê min di awaza stranan de bikolin bi axa def û zirneyan binixumînin 2007-02-12 Stockholm Xizan Şîlan
__________________ |
|||||||||||
|
|
«
Önceki Konu
|
Sonraki Konu
»
| Konu Araçları | |
| Mod Seç | |
Düzenli Mod
|
|
|
||||
| Konu | Konuyu Başlatan | Forum | Yanıt | Son Mesaj |
| Bêrî Bihar - Kurte Jiyan û Helbestên wê | Siberoj | Helbesten Kurdi | 4 | 27-05-2008 04:20 PM |
| Hêviyên Tazî ....Xizan Şîlan | Mirza | Helbesten Kurdi | 13 | 07-03-2007 01:22 PM |
| Jiyan û helbestên Mele Tahirê Huseynê Kewê | heci | Helbesten Kurdi | 6 | 20-02-2007 05:25 PM |
| Melayê Cizîrî (1407-1481) ... Jî Edebiyata kurdi ya klasik | Mirza | Helbesten Kurdi | 16 | 07-02-2007 02:57 PM |
| CiyÊ CigerxwÎn (1903 - 1984) Di WÊjeya KurdÎ De | Kajîn Jîr | Çandi Gişti | 1 | 23-11-2006 09:18 AM |
Forum saati Türkiye saatine göredir. GMT +2. Şuan saat: 06:12 PM .
(Türkiye için GMT +2 seçilmelidir.)
(Türkiye için GMT +2 seçilmelidir.)
