06-11-2006, 05:43 PM
|
#6 (permalink) | |||||||||||||
|
Tenetiya şevên Min
Tenetiya şevên Min di hembêza şevên tarî de li bêdengiya şevên xwe dîsa rûniştim bi tena serê xwe ketime nav xem û xeyalan nav kûrahiya ramanên xwe kûr û kûr diponijim xilmaş bûn çavên min westiya mêjiyê min xemgîn û dilşikestî me rûyê min reng avêtiye mîna guleke zer û çilmisî dikim qêrîn û hawar dîsa di bêdengiya şevên xwe de li tenetiya şevan bi tenetiya xwe re carnan coş dibe agirê sewdaya dilê min haş dibe mindalê nava hundirê min reş dibe birîna kulên min geş dibe şewata cîgera min û li ber pozê min dûmana cixarê di valahiyek tenha de me li ezmanan çiqes xweşik wiçe-wiça çivîkan Heyv dibiriqî Stêrk diçirisin û direqisin li dora min di bêdengiya şevên min de li tenetiya şevan bi tenetiya min re li aliyê din li ser miriyan dilorin hêstir dibarin ji çavan dengê hawarê dihat guhê min weke hawara strana Egîdekî mêrxas û gernas dil bikeder û xemgîn dibim azar û êş û tirseke bixof di dilê min re girti ye di bêdengiya şevên min de li tenetiya şevan bi tenetiya min re ez tî me dibim av ji bo lêvên ziwa bûyî ez birçî me dibim nan ji bo zikên birçî ez sêwî me dibim bav û dayik ji bo zarokên bêkes perîşan û belengaz im ma yên têr çi fam bikin ji halê min? ez diqefilim dibim agirekî germ ji bo mirovên ku ji sermayê diricifin ez tarî me dibim şewq çirayek diçirisî ji bo şevereşên kor di bêdengiya şevên xwe de li tenetiya şevan bi tenetiya xwe re dîsa gurpînek dihat ji nava dilê min mîna kaniyan coş dibim geş dibim dixuşim û diherikim min sînor nema dinasî di gelek astengiyan re derbas dibim Tembûr û stran helbestên min bi xwe dihesiyan şîyar dibin di bêdengiya şevên min de kilameke evîna azadiye dest pê dikir ew strana çîyayên min e bûk û zava bêriya Welat hesreta ziman ew strana rastiya dîroka Kurdîstana min e min axîn dikişand di bêdengiya şevên xwe de li tenetiya şevan bi tenetiya xwe re Ey heyv! û stêrkên ezmanan! dixwazim ronî bikim rûpelên dîrokê yên tarî û veşartî bi saya şewqa we finda min bi coş vêdiket diçirisî ronahî dida çaraliyên min li ber min kaxiz di destê min de pênûs dîsa ketime nav deryaya xem û xeyalan dinivîsim ji feleka xayîn re di bêdengiya şevên xwe de li tenetiya şevan bi tenetiya xwe re bêhn tengî heye di giyana min de dil û kezeb li min peritandine ji pişta min nabin bi min re dimeşin min dixwest def bikim tune bikim lê nediçûn gelo ev qedera min e? rastî û duristiya min e? min xirabî çi ye bextewarî çi ye nedizanî gelo wateya jiyanê çi ye? hê min tamek ji jiyanê negirtiye ez ê koç bikim biçim ji vê cîhana derewîn çavên dilê min tijî dibin kelegirî me lê nikarim bigirîm ev rondikên çavên min bi kuderê de çûn? kenekî biyanî li ser lêvên min ev ken û girîna min a bi kurdî bi ku de firîn? dipêyivim bi piste pist bi xwe re dikevim nav hewldanan bi dilê xwe re bi canêş hêrs tirs hêvî û heyecan bi hest û kovanan re dijiyam ez di bêdengiya şevên xwe de li tenetiya şevan bi tenetiya xwe re dilo “ew keçikên bejinzirav û pordirêj, xezal û bedew û delal dê govend û dîlanê bikşînin û bireqisin û kilamên şahiyê bilorînin bi hev re di bin germahiya tava Rojê de..” ax ax xirabno! ne rojên min! we şevên min jî li min nebexşandin xewa min a şîrîn li min revandin di hizûr û rehetiyê de min bihêlin di nav xirabiya we de diperpitim di kûrahiya dilê xwe de rêwitiyê dikim erdema di dilê min de veşartî bibînim pê bigrim derxim asta herî bilind belê bi erdem û dil pak mîna çîvîk û çiyan azad mîna pêlên deryaye bi coş mîna çîçekan bêhnxweş mîna feriştan cansivik, diltenik giyanpaqij dibim ez di bêdengiya şevên xwe de li tenetiya şevan bi tenetiya xwe re 2003-01-14 Stockholm Xizan Şîlan |
|||||||||||||
|
|
06-11-2006, 05:44 PM
|
#8 (permalink) | |||||||||||
|
Ey Welato!
Ey Welato! Welatê Rojê! Welatê hêlîna dilê min! Welatê bindestan Kurdistan! nizanim çend hezar sal in di nav agirê hesreta te de hinava dil û canê min disincire ez ê navê te yê qedexebûyî bi bizmarê çarmixa Mesîh li ser çermê karxezalan bikolim di navbera parzemîn yên cîhanê de mîna karwanê çola Sehrayê diyar diyar bigerînim ala te ya stûxwar û dîlgirtî bi gurzê Rustemê Zal rizgar bikim û di zikê çiyayên rût de di baxçeyê bihuşta giyanê xwe de daçikînim û bihejînim bi dilşadî! 2005-04-08 Stockholm
__________________ |
|||||||||||
|
|
|
06-11-2006, 05:47 PM
|
#9 (permalink) | |||||||||||
|
Saetên Kambax
Saetên Kambax ez ji avika ku herikiye malzaroka dayika min dilopek av im li gerdûnê min çavên xwe li Cîhana derewîn vekir ji jiyanê dilşadî hêvî kir lê salan êşa qehpik pêşkeşî min kir di giyana min de konê axînan vegirt dirêjiya saetên kambax dibe tîr movikên demên dilê min maç dikin kindirê sêdarê li gerdena min dialî ne bi her girtin û berdana henasê min re stêrên li asîmanên min digirîn hevokên sist û pist peyvên tazî bi ber pêlên babilîsokê dikevin li asoyên asîmanên min stêran dialêsin hêlînên ramanê li ser pêlên okyanosê ser û bin dibin di giyana xwe de ez bi roj dengê tîk-taka saetên ku di guhê min de beravêtine di xilmaşkiya çavên xwe de dikim benîşt û dicûm li şevên di bêxewiya çavên xwe de dikim çirûska findê her girtin û berdana henasê kul û birînek e qêrînek e girînek e û mirinek e.. Xizan Şîlan 2005-09-12 Stockholm
__________________ |
|||||||||||
|
|
|
06-11-2006, 05:54 PM
|
#10 (permalink) | |||||||||||
|
MiriyÊ ZindÎ
MIRIYÊ ZINDÎ di neynika dilê xwe de li nav qermîçokên eniya xwe pêrgî jana xerîbiyê têm pira hêviya min ya li navbera berbangê û asoyê hilweşandin toza bîranînên lanet bûyî bi kefa mistan bi ser min de daweşandin mayînên bagêje di mêjiyê min de teqandin nikarim xwe ji pencên kurtepista zimanê deyûzan biparêzim dayê çavsorî hesûdî û zikreşiya mirovên çeqel bîr û baweriyê li min diqurifînin jiyanek zindî mirî li min sîwar kirin di jiyana talanbûyî û giyanê xwe de bû me qulingê koçeber ji ber awirên şermok hîssa tawanbariyê û evîndariyê bêhn li min diçikê pişt li min xûz dibê dil li min zîz dibê di nav êş hêrs û tirs û bêdengiya xwe de difetisim wekî ku ez ne ji te ji zikê janê çêbû bûm êşan bi awirên zexelane ez ji paş ve xençer kirim hevsarê xemgîniyê xistin stûyê hêviyên min û şewqa fanosa pêşeroja min li min tefandin dayê ez niha ji piyala hesretkêşan keserkêşan û serxweşan hêstirên dilê te vedixwim û her roj bi zindîbûna xwe re dimirim li ber dîwarên kolanên hinavê min yên bênavnîşan kêlê gora min datînin Xizan şîlan 09.06.2005 Stockholm
__________________ |
|||||||||||
|
|
«
Önceki Konu
|
Sonraki Konu
»
| Konu Araçları | |
| Mod Seç | |
Düzenli Mod
|
|
|
||||
| Konu | Konuyu Başlatan | Forum | Yanıt | Son Mesaj |
| Bêrî Bihar - Kurte Jiyan û Helbestên wê | Siberoj | Helbesten Kurdi | 4 | 27-05-2008 04:20 PM |
| Hêviyên Tazî ....Xizan Şîlan | Mirza | Helbesten Kurdi | 13 | 07-03-2007 01:22 PM |
| Jiyan û helbestên Mele Tahirê Huseynê Kewê | heci | Helbesten Kurdi | 6 | 20-02-2007 05:25 PM |
| Melayê Cizîrî (1407-1481) ... Jî Edebiyata kurdi ya klasik | Mirza | Helbesten Kurdi | 16 | 07-02-2007 02:57 PM |
| CiyÊ CigerxwÎn (1903 - 1984) Di WÊjeya KurdÎ De | Kajîn Jîr | Çandi Gişti | 1 | 23-11-2006 09:18 AM |
Forum saati Türkiye saatine göredir. GMT +2. Şuan saat: 06:46 AM .
(Türkiye için GMT +2 seçilmelidir.)
(Türkiye için GMT +2 seçilmelidir.)
