Şêrê Girêdayî

Ez bıxwinım zımani me
Kurmanci bo ser encam e
Munafıq dıbên kılam e
Kıtêbê ne vana bıra

Mınafıqi pırr ê zor e
İ xururi, lı Xwedê dûr e
Hım inat i, qelbi kwir e
Mebê va kılam e bıra

Ez nabême vana boşê
Pırsê mın ketın doxuşê
Heywax bê tê lı wê paşê
Pırsê mın ê rast ın bıra

Guh bı ser de, mıla medê
Bêm kurmanci b'iznê Xwedê
Kurmanci bıkın istifadê
Herkes ê fam bıke bıra

Ezı'k lı te bıkım teme
Hım bıxwinım ser encamê
Va dınya te ra ji namê
Te ra ji namine bıra

Zêhnê xwe tu rınd bı vır de
Te mêzel kın, bıni te erd e
Mırın ê bê derman, derd e
Dora rokê were bıra

Ezrailê dêri çexke
Dev poz ra kopıkê derke
Jınık ewlat ê'l te sêrke
Va ji a rokê bıbe bıra

Ê heman te tazi bıkın
Ê lı hev ra bıbên zûkın
Werın k'em vi defin bıkın
Ê lı te ro çexkın bıra

Ê hım ro çexkın wê wexta
Ê te bışon ser du texta
Çarek xwe bınêre naxta
Xefil mebe tu ey bıra

Te dın ê du metro kefın
Ê heman te bıkın defın
Kûrm ê wucudi te kevın
Va'j a rokê bıbe bıra

Fayde tıne ewlat bıran
Ê te bışon ser du daran
Erdê kın sewa mışk û maran
Merhametê nakın bıra

Tedarikê bıke nıha da
Ê te derxın malê te da
Pıştê xwe mede ewlada
Fayde nabe l'kesi bıra

Mirasciyê heman werın
Nav mêl kevın tê bê gur ın
Lı hev bırkın, ê mêl bıbın
Tu nê birê kesi bıra

Mêl teqsim kın, pere pere
Ya pısmam e, ya ji bıra
Ê jınıkê te hılgıre
Tu nê birê kesi bıra

Ê dıjmın bın ewlat xısım
Ê mali te bıkın teqsim
Ê lı te ra bıbên xasım
Va were seri te bıra

Mal û mılk bımine lı vıra
Şeq û teqê bêr û tevıra
Ê ser te kın ax û kevıra
Va kortek şevreş e bıra

Bın wê axê da rokeve
Tu nızane ro ye şev e
Hım şenake tu bıreve
İmdad l'kesi nabe bıra

Ax têkeve çavê belek
Erdê hışk e, bogır kelek
Heman werın pırsê melek
Wey lı te wê royê bıra

Ew meleka giştık şerr e
İ reş i gukani kerr e
Merhamet lê tıne zerre
İ reşi çirkini bıra

Rêya mezel rêkı dûr e
İ şevreşi teng û kûr e
Navê tıji mışk û mar e
Vi cani te bıxwun bıra

Tê têkeve bın wê axê
Tê hım bıkşine eywaxê
Tê pişman bıbe wê çaxê
Fayde nabe be hey bıra

Rûhi te bıbine ezab
Tê bıhele hım bıbe ax
Mezeli te bıbe xerab
Mıheqeq va bıbe bıra

İsrafil ê lêxe sûrê
Tê dı mezeli xwe da derê
Here meydanê mexşerê
Ser lıng'ki dabıste bıra

Were tu lı vê rê memê
Hım bıgıre tu vê temê
Mebine rû'y cehennemê
Rêkı pırr ê dûz e bıra

Hım ê dûz e mina cadê
Rasterast te bıbe rev Xwedê
Mınafıqa tu guh medê
Meke vê inadê bıra

Lı te tınê aqıl fıkır
Kanê dê û bavê te çı kır
Xafil mebe, bıke zıkır
Tedarikê bıke bıra

Dınê dınyak derewin e
Qe lı kesi ra namine
Pırr hukumdar hatın çûne
Te ra ji namine bıra

Mezelan bınêre carê
Bıke dewam istixfarê
Wextinan bınêre çarê
Çarek xwe bınêre bıra

Malê derew tu dıke çıb'ke
Malek xwe'y ebedi çêke
Mebê va lawık e va keçık e
Fayde nabe lı kesi bıra

Va pırsê mın te ra ogıt
Namine kal û genc û xort
Mebê mılle mın ra negot
Pırsê mın ê rast ın bıra

Berhema Mılle Rehim ( jı herêma Qonyê )

__________________

| Üye İmzalarını Görmek İçin Buraya Tıklayarak Kayıt Olabilirsiniz. |