19-08-2006, 11:15 PM
|
#21 (permalink) | |||||||||||||||
|
WELATÊ ÇIRTO Û VIRTO Šêrê sorê ser mezin Pir bi saw bû weke cin Rokê rasthat li rovî Dî ko di dev de hirmî Go: Ravôko, ev çîye ? Rovî go: ev hirmî ye Li ku hene ev hirmî, Li çi šûnê, li çi cî ? Rovî bi fen gote shêr : Divê ko dakevin jêr Tev daketin bin darê Çendek dîtin li xwarê Rovî civandin wek mêr Danîn li ber devê shêr Shêr go: Rovî, çi xweshin Lê ka çawa diweshin ? Ravî go: pashayê min Dûvê xwe em lê didin Yek û do û sê û çar Ji banî ve têne xwar Shêr jî dûvê xwe lê da Lê xêr nadî di ê da Go: Rovî, ka naweshî ? Rovî cû, hat û meshî Go: pashayê hov û sirt Pishta we ye gelek xurt Shêr pishta xwe da darê Hirmî nehatin xwarê Rovî go: ka raweste, Renge pishta te siste Ezê niha herim, bêm Bicivênim heçî kêm Rovî çû mirarek dî Zû rêvîya wî anî Shêr pishta xwe da darê Rovî dest kir bi çarê Rêvî lê pêçaye tev Ji neynûkê, heta dev Divê hinek rawestî Belkîjî pir biwestî Germe xurte wek agir Rêvi kire wek çekur Dema parsû gihan hev Shêr go: rovî, fene ev ! Rovî go: rate weye Ev dar welatê me ye Ev ne cihê shêra ye Cihê qelsemêra ye Welate rovî û gur Shêr nikarin bêne vir Mishkê bixun çavê te Shêr go: çiye navê tê ? Navê min çirto axa Xwedyê van shax û baxa Rovî ji cem daye rê Weke gernasên berê Dûv lê bûye weke sing Çav li serî bûn pereng Shêr bi ser de hat xwar Ne eman û ne hewar Dî ko mishkek hate wir Wî jî terî bilind kir Go: ha, shêrê ser kundir ! Kî bû wilo li te kir ? Kesî diye li cihan Ko shêr bêne girêdan ! Ezê niha te berdim Da zanibî çi merdim Çiqas em we xelas kin Win qencîyê nas nakin Mishkê terî bilind mêr Dewêl birî wî li jêr Li dor darê çû û hat Bi tevger û kêferat Shêrê birçî û xewar Bi ser dev de hate xwar Mishko pesnê xwe da go: Li min binêre yaho ! Ez gernas û çelengim Mêrê rojên pir tengim Li shêr sist bûye terî Bi awiran lê nerî Shêr go: bêje birazî, Ka çi ji min dixwazî ? Go: ez kolê darê te Dewlet xwedê, serê te Ez mishkê van dera me Ne dilbijê pera me Divêm ey shahê mezin Tacê bidî serê min Navê mijî bikî shêr Bibim shahê ser bi zêr Shêr go: navê te çiye ? Xuyeye qeshmerçi ye - Dibêjine min Virto Navê bavê min Zirto Lê shêr di ber xwe de go: Ber bi ava diçî ro Sed tif li vî welatî Vî pîsî, bê xelasî Rovîyên nav shikêra Çawa girêdin shêra ? Mishkê qulan me berdin, Li ber shêran xeberdin ! Di van çax û van dema Rûmet ji bo me nema Bi shêrî û axatî Nema bêm vî welatî Shêr revî û nema hat Bê shêr maye ev welat Shêx û mela bûn çirto Beg û axa bûn virto Mil û Zîl û Kîk û Zaz Bûne pisîk, tev beraz Ji ber derdan ranazim Ez shêrekî dixwazim Em tev li dor bibin kom Da bishkênin Firs û Rom Li ser çiyan weke shêr Welat bigrin tevlî zêr Bostek nehêlin vala Hevras bidin dest pala Rista mne bî wekhevî Herkes li bin vekevî Çirto, virto, nemênin Jin û mêr tev bixwênin Min dil xem bûye misht Meger dilê we min hisht Ava rû, win merêjin Ji bo we em dibêjin: Shêr ketîye hindûrîn Li vir bûme Cigerxwîn |
|||||||||||||||
|
|
19-08-2006, 11:27 PM
|
#22 (permalink) | |||||||||||
|
FIDAKARÊ WELATIM Erê dayê metirse vame hatim ! Wekî rojim niha vame hilatim ! Ji bo ko te ji dest dijmin derênim Wekî Zab û Feratim, kêfratim Dixwazim derkevim shax û zinaran Li ber dijmin wekî lat û kelatim Ji min dijmin ditirsî, pir dipirsî Ku ez hatim wekî Zab û Feratim Didim ber xwe hemî sermayedaran Wekî Shapim di Sîpanê Xelatim Ji dostanre hemî pertav û ronak Ji dijminre wekî arim, Shewatim Ji bo jar û belengazan biharim Ji bo har û neyaran ez Shibatim Li tarîxê binêrin ez kusame ? Xwedi eywan û birc û pût û latim Evim ez, lê di bin destê neyaran Eger rokê ji xew rabim du qatim Li ber pozê neyaran xurtemêrim Ciger-xwînim, fidakarê welatim.
__________________ |
|||||||||||
|
|
|
19-08-2006, 11:32 PM
|
#23 (permalink) | |||||||||||
|
REBENNAME Heval, Cemîlê pir Cemîl Xebat bike wek shêr û fîl Tu guhmede sed qal û qîl Ji dil bike qîr û hewar Rû tev xurî, çavê te kor Ronî te daye tor û zor Dengê te çûye ber bi jor Dil paqije, pir qence kar Bike hewar û sed eman Bibêje wan kurdên nezan Win dar medin pîs û dizan Sitûr mekin li ser xwe dar Turk û neyar tev hevrikin Niha sherê Qibris dikin Pashê dizanin wê çikin ? Li ser pishta me bin siwar Bike hewar û nalenal Gazî bike kurdên shimal Yekser bibin dost û heval Va çûçika genmê we xwar Gazîke nevyên Mîdîya Bes xwe bikin rengê miya Derkevne ser shax û çiya Ji we ditirsin tim neyar Ta kengî wer razin di xew Li ber neyaran çêlekew Îdî mirin nêzîke lew Divêm ji xew rabin shiyar Dostê neyarin, dewlemend Êko bi dest wan mal û gund Parsek ji nû bûn serbilind Hishyar dibin em bêjimar Milet emin, xwedyê welat Divê ku em rabin xebat Pakij bikin tev Rojhilat Ji xap û rîpên koledar Van shêx û pashayên nezan Em xistine destê dizan Heval, tu vê j i min bizan Tirba sipî û dûvê mar Ev Turk û Faris , yan hemi Xwina me mêtin wan timi Korin, nizanin ev gemî Kuve diçi, ki lê suwar ? Roja me ji nêzike, tê Dernakevin j i vê xetê Bigrin bi dest xwe dewletê Ko çu zivistan, tê bihar Bihar bi me pir xwesh dibi Her kes bi wê rûgesh dibi Riwê neyaran resh dibî Serê xwe ranakin tu car Dijmin dibin lingan kevi Rev jî bi destan nakevi Bo me dimêni ev zevî Têde dijîn em payedar Têde bij în em tev bira Xwendin bibî rengê çira Winda bikin an va gura Bi perçiqênin rengê mar Milet hemî girbêj bikin Toz û gemarê rêj bikin Jîna welat dirêj bikin Pêsh de herin ezman û zar Em zorê bidne xwendinê Pir xwesh bikin an vê dinê Serbesti bidne dest jinê Îdî nemênin zarezar Divê ku jin azad bibi Wekî me ew dilshad bibi Perda seri berbad bibi Wê pir ji me tehlî vexwar Tehli heri, shêrîn vexwî Lê xwe j i rê pir dernexî Ji vî rexi, ji wi rexî Divêm bibin bi pishk û par Jin mêweke shêrin bere Dara evine, tim tere Sedef ewe, kur gewhere Sîng bexçeye ew gulizar Heval Cemîl, hêvî û lav Bighê hevalan sed silav Ûsvê letîfê ew bi nav Li kû dikî gesht û guzar ? Reben hemî dostê me ne Çibkim ji me, bê lome ne Çavnêrî vê benda me ne Qada me pir maye beyar Kor û kulek û bawîya Mest û hejar û tawîya Heta bi tat û shawîya Wan dil ji vê jîna me sar Heval û hemyarê me ne Çavnêrê vî karê me ne Herdem jî guhdarê me ne Hemî belengaz û hejar Hemî belengaz em yekin Ji hevketî ne, bê çekin Dijmin dixwazî deynekin Di nav me danîn dilgemar Em tev birane narevin Xurtin, ji hevdî nakevin Em kareva ne ew shevin Qewam li kuye, ka beyar ? Ew tevde çûn ber av û av Heta bi lêvan bûn çirav Maye ji wan yek pîsenav Milet sitûre wek zinar Ka Qeyser û Ebdil Hemid ? Ka Feysel û Sultan-Wehîd ? Kanî Rizaxan û Mecîd ? Ka Xusriwê zêrî Guhar ? Ew pêkve çûn, milet heye Wî guh li vî dengê me ye Herçî dibêjin jêre ye Ziyan ji bo me, jêre kar Çend sale em bi qîr û lew Dey lê dikin: rabe ji xew ! Dijmin bibî wek çêlekew Bimrin sehên devlok û har Da bêne kushtin ên nebash Ew zorkerên wek gornepash Em ash bidin destê qerash Da rast bikin herçî ku xwar Da xwarîya em rast bikin Qenc û neqencan nas bikin Milet j i wan xelas bikin Qadê leva kin pishk û par Qadê li hevdî par bikin Pêkve bi hev re kar bikin Ên çav li xew shiyar bikin Da kes nebê: xwezî bi par Pir xwesh bibin hebûn û jîn Pêkve bi dilshadî bijîn Îdî Ciger nabî bi Xwîn Bes em dikin qîr û hewar.
__________________ |
|||||||||||
|
|
|
20-08-2006, 12:07 AM
|
#24 (permalink) | |||||||||||
|
BIRCA GERNASAN - TILZATER Çêkroxê shêran Wargeha - Zater ! Jêdera mêran Wargeha - Zater ! Aferîn jêre Wargeha - Zater ! Bijî serbilind ey Girê-Zater ! Dijmin bi êrîsh dihate ser te Top û tanq û çek kishande ber te Li ber wan danîn, sênc û çeper te Bijî serbilind ey Girê-Zater ! Li ber pozê wan, tu bûyî kelem Êrîsh tanîn te, ereb û ecem Te ew dikushtin dil bi kul û xem Bijî serbilind ey Girê-Zater ! Li te bune yek tev kevneperest Êrîsh tanîn te, wek dijmin dixwest Te sherê wan kir bi sîng û bi dest Bijî serbilind ey Girê-Zater ! Te dane kushtin pir xortên kelesh Keçên çavbelek, zarokên rûgesh Dê û xûshk û jin hishtin serbiresh Bijî serbilind ey Girê-Zater ! Tu bû meydana cenga felestîn Ji bo serbestî te rijandî xwîn Gernas û shervan serbilind dijîn Bijî serbilind ey Girê-Zater ! Azadîxwazim destên xwe dan hev Gullebaran bû, bi roj û bi shev We xwe da kushtin lê qet nabû rev Bijî serbilind ey Girê-Zater ! Li ser te bûn yek tev mizgevt û dêr Berê te li jor, berê wan li jêr Va em dinivîsin navê te bi zêr Bijî serbilind ey Girê-Zater ! Te dane zanîn; çine rast û çep Bûne dubendî ecem û ereb Li meydana sher bûn celeb-celeb Bijî serbilind ey Girê-Zater ! Benda azadî, benda imperyal Belengaz hemî em bûne heval Yek daxwaz û dil, yek-ol û yek-al Bijî serbilind ey Girê-Zater ! Ji bo me divêt hinek hishyarî Ko em derbaskin van demên tarî Dijmin wê çaxê bi me nikarî Bijî serbilind ey Girê-Zater ! Kevneperestên cihan bûne yek Alî hev dikin bi mal û bi çek Hawîr digerin bi sher û bi dek Bijî serbilind ey Girê-Zater ! Dema ku dishkê serê koledar Mat û mest dibin li herder neyar Zivistan diçî li pey tê bihar Bijî serbilind ey Girê-Zater ! Karter dipirsî li mafê mirov ?! gelo nabêni ev hirç û ev hov ?! Me didin kushtin li herder bi tov Bijî serbilind ey Girê-Zater ! Eger em rabin besî xwene, bes! Hevsar nedin dest mirovên teres Xwîna me nerjî guh nadî me kes Bijî serbilind ey Girê-Zater ! Barê me giran, sherê me dijwar Dijminê me xurt, jîre koledar Êrîsh tênin me gurên birîndar Bijî serbilind ey Girê-Zater ! Xwezî hebûna me jî hezar mêr Kurdên qehreman tev bi çek û zêr Bihata hana te tev wekî shêr Bijî serbilind ey Girê-Zater ! Azadîxwazim dijminê neyar Dostê hashtîxwaz, dijê koledar Nûjenperestin dijminê kevnar Bijî serbilind ey Girê-Zater ! Bijî Kurdistan azad û serbest Bimrin, hilweshin tev kevneperest Nema dixwazin wer bijîn bindest Bijî serbilind ey Girê-Zater ! Gernasê Zater, hezar aferîn ! Gernasê Libnan, shêrên Felestîn Hevalê weye herdem Cigerxwîn Bijî serbilind ey Girê-Zater !
__________________ |
|||||||||||
|
|
|
23-08-2006, 07:39 PM
|
#25 (permalink) | |||||||||||
|
POR SIPÎ BUYE - GILOK Nexweshim ez di evîna Tede dil bûye Bihok Pîr û kalim ez dinalim Por sipî bûye gilok Ez li wan shaxan dinalim Hêstirên min têne xwar Meyzeke herdû rexan Zennarê dêman bûn cihok Virde çûm û wirdê çûm Û ez ketim derya xeman Shash û cibbe min çirandin Pashê bûme wek gerok. Min ji dest berdane îro: Zikr û tesbîh û nimêj Tizbî û miswak firotin Min bi: kab û xirxirok Min Dihok girtî bi destê Xo xû Mûsil da neyar Ma ne dînim, min wesa kir ? Kanî Mûsil, ka Dihok ? Xanîyê kok û binî Ko li ser kabit bira Rojêki dê hilwêshî ew Tev sitûn û tev bilok Avjenî, ger xwesh nizanî Bi diçi golên di kûr ? Zanibe ko Dicle nabî Rengê ça û shirshirok Barê rêzanî girane, Kî dikarî hilgirî ? Xwesh bizane, ko di bin Barande ker naçin bi lok Meyzeke perwane çawa tête- Suhtin ew bi ar ? Ew nizanit: agire yan Pertewa ronak û rok ? Win dibêjin, ko siyaset Tevde xapin yan derew Wer mebîne nayê suhtin Tim bi agir: firfirok Rûsipî dighê felatê Êwelatperwer ji dil Rojekê dê resh bikin Herdû riwên ên: virvirok Dê çilo em karibin Derdê giran derman bikin ? Ey Cigerxwîn bes bibêje ! "Sende yok" û "Bende yok".
__________________ |
|||||||||||
|
|
«
Önceki Konu
|
Sonraki Konu
»
| Konu Araçlarý | |
| Mod Seç | |
Düzenli Mod
|
|
|
||||
| Konu | Konuyu Baþlatan | Forum | Yanýt | Son Mesaj |
| Nivîsên li ser Cegerxwîn di Internetê de | JÝYAN ADAR | Çandi Giþti | 0 | 27-01-2008 03:28 PM |
| C E G E R XWÎ N nasbike! | renuma | Þair ve Yazarlar | 4 | 03-05-2007 09:35 PM |
| Mele Þêxmûs ( Cegerxwîn ) 1903 - 1984 | rojekanu | Sanatçý Tanýtýmlarý | 2 | 26-03-2007 01:45 PM |
| Melayê Cizîrî (1407-1481) ... Jî Edebiyata kurdi ya klasik | Mirza | Helbesten Kurdi | 16 | 07-02-2007 03:57 PM |
| CiyÊ CigerxwÎn (1903 - 1984) Di WÊjeya KurdÎ De | Kajîn Jîr | Çandi Giþti | 1 | 23-11-2006 10:18 AM |
Forum saati Türkiye saatine göredir. GMT +2. Þuan saat: 07:47 AM .
(Türkiye için GMT +2 seçilmelidir.)
(Türkiye için GMT +2 seçilmelidir.)
