20-07-2007, 10:52 PM
|
#1 (permalink) | |||||||||||||||
|
Wedat Aydin -mirina Bextewar
Min navê xwe ji axa welatî, ji destên qelişî, ji enî û serçavên bi xwîdan, ji axîn û nalîn û stranên dayikan, ji çemên mîna Diclê û Feradê dinalin, seri radikin diqêrin û diherikin, ji karker û gundiyên xwe, ji dîroka xelkekî bindest û hejar, ji xwîna mirovên wek egîdan, ji gelekî tî, tiyê azadiyê wergirtiyê min navê xwe. Min paşnavê xwe ji tîrêjên tavê ku di berbanga sibehê de tariyê ronî dikin, ji şewqa heyvê, ji stêrkên ku li asîman di tarîtiya şevê de diçirisin, ji şewqa zanînê, ji çavên ku rastî û ronahiyê dibînin, ji zimanên ku nayên qeyd û bendkirin wergirtiyê min paşnavê xwe. Werin em tevde û wekhev biqîrin. Nîşan bide egîdiyê, ev meydan a şêran, hilîne heyfa bav û kalan, jêke zimanê rovî û çeqelan, ava bike warê şêr û mêran. Bi eynî hest û hesretê, bi eynî sewdayê diperpite dilê me. Em yekdilê axekê ne. Dest bidin hev, hîs û daxwaziyên xwe bikin tev. Ev çi rik û nefret e, ev çi axatî û begitî ye, cudebûn û dawayê xwînê ye? Ev ne dûr e, aha li kêleka me ye evîna welatê min. Ala kesk û sor û zer, dîlan û strana min. Ez niha bextewar im bi mirina xwe û bi navê welatê xwe şehîd ketime. Eger rojekê mirina te bibe, bila di riya wê de be. Riya azadiyê ya birûmet.... Ev diyar diyarê me ye, diyarê Bekiran û ronakbîran. Ez jî parçeyek ji nava dilê Diyarbekirê diçirisîm wek agirê azadiyê. Di navbera heft deriyên Kelê de, ber bi ronahiyê ve.... Ev mij û dûmanê ewrên reş ku xwe dagirtiyê ser bajarê Diyarbekirê dê bidire, biqelişe û tune bibe bi saya şewqa ronahiya Aydinan, zana û ronakbîran. Eger tu gulleya xwe a yekemîn berdî û biteqînî di serê dijmin de, ez ê bibhîzim hevalo di nava gora xwe de. Ev gulleyên bi xiyanetî di mêjiyê min de hatibûn berdan dê bînin bîra min. Eger tu bi çoyê şivan û gavanan, wekî sîwarê hespê bajoyî ser dijmin, qirr û talan bikî ez ê bibhîzim hevalo di nava tirba xwe de. Ev şaxên darên ku li hêla gora min ber bi çaraliyan ve xwe dihejînin dê bînin bîra min. Eger tu bi kevirê destê xwe serê dijmin bişkênî û biqelişînî, ez ê bibhîzim di nava tirba xwe de. Ev kevirê nemir ku li ser gora min hatiyê danîn dê bîne bîra min. Ez ê dîsa şa û dilşad bibim hevalo bi mirina xwe. Eger tu digel gelê min, bihev re wekî çiya û zinaran bi yekdil û yekmil, bi yekdest û yekmist li hember dijmin rawestî, ez ê bibhîzim hevalo di nava gora xwe de. Ev dilên şervanên azadiyê yên qehreman û nemir ku di navbera çiyan de raketine û hatine binaxkirin dê bînin bîra min. Eger tu rojekê li ser ev axa azad, bi serbestî dest bi reşandin û çandina zeviya xwe bikî, ez ê bibhîzim di nava gora xwe de. Ev bîhna gulên kesk û sor û zer ku li ser axa gora min dibişkivîn û rehê xwe ber bi dilê min ve berdide dê bînin bîra min. Ez ê dîsa bextewar bibim hevalno bi mirina xwe. Min li ber çirûskên şewqa ilmê got ev rastiya. Min pêşkeş kir ramanên xwe yên ronakbîrî û ji bo azadiya welatê xwe bexşandibû canê xwe. Agirê dilê min dê dîsa gurr bibe û biperpite di bin axa min de. Eger tu ala xwe bihejînî li ser axa şaristaniya Kurdistanê, ez ê bibhîzim di gora xwe de. Ev şaxên daran ku li hêla min xwe dihejînin dê bînin bîra min. Ez hê dijîm di dilên we de, li ser ev axa delal. Çawa ku jiyaneke bextewar hêvî dikim, mirineke bextewar jî hêvî dikim heval û hogirên min. Xizan Şîlan Bu mesaj en son " 20-07-2007 " tarihinde saat 10:54 PM itibariyle PCkopat tarafından düzenlenmiştir.... |
|||||||||||||||
|
«
Önceki Konu
|
Sonraki Konu
»
| Konu Araçları | |
| Mod Seç | |
Düzenli Mod
|
|
|
||||
| Konu | Konuyu Başlatan | Forum | Yanıt | Son Mesaj |
| Hozan Aydın | Ersin | Sanatçı Tanıtımları | 1 | 10-01-2008 06:01 AM |
| Mirina kalkê min | Sumaye | Helbesten Kurdi | 18 | 08-06-2007 12:43 PM |
| Hayat Güzeldir-İclal AYDIN | Global | Kitap Özetleri | 9 | 29-05-2007 05:40 PM |
| Mirina masûlkeyên dil | PCkopat | Tenduristi | 0 | 02-05-2007 09:43 PM |
| Yaz Bitmesin- İclal AYDIN | Global | Kitap Özetleri | 1 | 29-04-2007 11:25 AM |
Forum saati Türkiye saatine göredir. GMT +2. Şuan saat: 09:29 AM .
(Türkiye için GMT +2 seçilmelidir.)
(Türkiye için GMT +2 seçilmelidir.)
