heci

Min demek berê pirtûkek li ser nerînên zarokan ên li ser evînê xwend. Navê pirtûkê; ”Gotinên zarokan li ser evînê ”. Niviskara jin a Danimarkî Grethe Dirckinck gelek pirtûk ên lêkolînî nivîsandine. Yek jê jî ev pirtûk e. Wê li seranserê Danimarka li dibistanan bi zarokên 6-10 salî re hevpeyvîn kiriye û nêrînên wan li ser jiyanê û bi taybetî li ser evînê standiye.


Hezkirin û evîndariya di navbêna zarokan de tiştekî pir paqij û xweş e.
Gelo em mezin tu carî wateya gotinên zarokan fam dikin?
Ka em bi hevdû re li nêrînên van zarokan ên li ser der û dora hezkirin û evînê mêze kin.

Bersivên zarokan li ser pirsa; nîşanên evîndariyê çin e?


- Dema mirov evîndar dibe , hundirê mirov dişewite.
- Dema mirov evîndar dibe, mirov dilgeş e û mirov bêriya dibistanê dike.
- Dema mirov evîndar dibe, zahmet e ku mirov bi mejiyê xwe li tiştekî din bifikire.
- Mirov dizane ku dil girtiye ji ber ku hema rûdinê û “lê” dinhêre û qet nabihîse bê mezin çi dibêjin.
- Mirov yekser dikare bibîne ku yek dil girtiye , ji ber ku çavên wan sor dibin.
- Dema mirov evîndar be, wek ku girêkek dikeve qirika mirov û nikare daqurtîne.
- Dema mirov evîndar dibe, bedena mirov hemû şerm dike û guhê mirov sor dibe.
- Dema mirov evîndar dibe, wek ku dilek di serê mirov de hebe.
- Dema mirov evîndar dibe, mirov nikare heya pênc rojan şîr vexwe.
- Min bihîst ku mezin dibêjin, evîn ji tenduristiya mirovan re baş e.
- Ji tevgera mirov xuya dike ku hez dike, lewra mirov şermok dibe.
- Dema mirov bi gogê dileyze dilê mirov pir zû davêje lê dema mirov dil digre mirov top davêje!
- Ji rengê mirov xuya ye ku mirov evîndar bûye, ji ber ku mirov şerm dike û sor dibe.
- Dema mirov difikire, mêjî ji mirov re li hevalekî digere, lê dil hîs dike.
- Dema du kes evîndar bin, pir li hevdû dinhêrin, tevlî dema ku bi lîstikan jî dilîzin.

Bersîvên zarokan li ser pirsa; Gelo mirov dikare evîndarê gelek kesan be, an gelek ”hevalên” mirov hebin ?


- Belê, her cara ku mirov dizewice gustilkekê dixe tiliya xwe. Yanî mirov dikare deh caran bizewice.


- Belê , mirov dikare ji gelek kesan hez bike, lê dive têkevin dorê!


- Vê gave tenê hevalek min heye lê ez hewl didim ku çend hebên din jî bibînim.


- Belê mirov dikare bi gelekan re be , lê wê ew bi xwe ji hevdû aciz bibin.


- Na, nabe ku mirov bi du kesan re be. Ji ber ku mirov dikare dilê wan bişkêne û evîn di dilê wan de nemîne û nema karibin evînê hîs bikin . Û mirov li gor incîlê tiştekî qedexe dike!


- Mirov tenê dikare bi du kesan re be, zêdetir nayê veşartin.


- Ne baş e ku mirov bi gelek keçikan re be, lewra divê têra yên din jî bimîne.


- Mirov nikare bi du kesan re bizewice , lewra dive du gustîlkan bikire û ew jî pir biha ne.
Lê ez difikirm ji niha ve peran kom bikim.

- Ez nikarim bifikirim ku gelek jinên min hebin. Ew tenê li welatên germ ku mêr fistan li xwe dikin û mirov pir xwêdan dide heye.


- Dema gelek jinên mirov hebin, divê mirov bi wan re şer neke, lewra ew pir in û ez yek im, dê ew bi ser bikevin.


- Ger gelek jinên mirov hebin wê gelek zarok jî hebin û wê rehetiya mirov tunebe.


- Mirov tenê dikare bi yekê re be. Lewra dema ramûsanek bidim, tenê devek min heye.



Mirov çawan yekê/î dibîne?

- Mirov nikare yekê bibîne heya ku ereba mirov çênebe. Bê erebe nayê dîtin.
- Mirov dikare herdem yekê ji dibistana xwe bibîne, lewra listeya telefonên hemiyan li ba mirov heye.
- Ji keçikê re nameyekê bişîne û bêje; ”Tu dixwazî bi min re bibî heval?” û sê alternativ deyne ; ”Erê”, ”Na”, ”Belkî” û bila yekê îşaret bike.
- Divê mirov bisekine heya dê û bavê mirov bimre. Ji ber ku wê demê mirov dikare li ser xwe biryarê bide.


- Ger ez yekê ji xwe re bibînim, divê ji min bi gelekî mezintir be, karê wê hebe û zanibe xwarinê çêke, lewra ez hîn biçûk im û nikarim van tiştan bikim.


- Dema kêfa mirov ji yekê re were, ji ciyê xwe radibe û dihere ba wê, jê dipirse; ”tu dixwazî bibî hevala min?” Ger bersîv na be, mirov dîsa bi şûnde vedigere û li ciyê xwe rûdinê.


- Ger gelek “hevalên “ mirov hebin, mirov dikare wan biceribîne, da kî ji wan dikare here tiştan bikire û kî dikare her tiştên ku ez dixwazim bikire.


- Ez jê geriyam, nema li yekî digerim, lewra pir dem digire..


- Min “hevalê” xwe li dibistana xwe dît. Dema me bi listikekê dilîst.


- Bi rastî nema tê bîra min bê ez û hevala xwe kengî bûn ”heval” ji ber ku ji zûûûû ve ye.


- Ku mirov here dikanê ji bo gerdaniyekê bikire û xebatkara dikanê pir bedew be, wê demê mirov du gerdaniyan dikire ...


- Li dêrê, papaz ji wan dipirse; “Heya mirin we cuda bike hûn dê cuda bibin?”


- Ger mirov pîr be û jina mirov jî pîr be. Wê demê mirov ji xwe re li yeka din û ciwan digere.


- Ku mirov evîndar bibe, dikare jê re nameyekê bişîne.


- Lê mirov nizane nave wê çi ye ku!..

rojdi_440

Dema mirov evîndar dibe, mirov nikare heya pênc rojan şîr vexwe.

Lêkolina kê gelek balkêşe .....

Gelek spas hevalê heja

__________________

heci

ev lêkolîn bi zarokan hatiye kirin û wan weha bersiv daye...

spas xweş heval...

bi evîndariyeke zarokatî bijî...

rojdi_440

Ma zarokatî nêjî , nehiştin heval , lê Xweda evîndariyeke zarokatî ji mere têv binivise.....

__________________

Heval

__________________