PCkopat

Ciwanên zanîngehê yên Mexmûrê şanoya Destana Derwêşê Evdî û Edûlê lîstin
Ciwanên zanîngehê yên Mexmûrê li Salona Çandê ya Hewlêrê şanoya Destana Derwêşê Evdî û Edûlê lîstin. Lîstik eleqeyeke mezin dît.
Koma Banga Rojê ya Çand û Hunerê ku ji aliyê ciwanên zanîngehê yên Mexmûrê ve hatiye damezirandin, li Salona Çandê ya Hewlêrê Destana Derwêşê Evdî û Edûlê lîstin. Lîstik ji aliyê xendekarên Zanîngeha Seleheddîn ve bi eleqeyeke mezin hat temaşekirin.
Bernameya çandê nêzî du saet berdewam kir û koma muzîkê ya Koma Banga Rojê ya Çand û Hunerê ku ji 25 kesî pêk tê, konsereke kin da. Paşê bi zaravayê soranî şanoya Destana Derwêşê Evdî û Edûlê lîstin. Lîstik di nav temaşevanan de bû sedema hestyariyeke mezin.
Ji beşdarvanan Şêr ku ji Rojhilatê Kurdistanê ye diyar kir ku lîstik gelek serkeftî bûye û weha got: ”Di rastiya xwe de, çanda şanoyê li Başûrê Kurdistanê gelek lawaz e, ev rastî me diêşîne. Em hêvî dikin ku çalakiyên civakî yên mîna şano û sînemayê bêtir bêne li dar xistin. Xwendekarên Mexmûrî di lîstikê de gelek serkeftî bûn. Ez li ser navê xwe, koma şanoyê ji dil û can pîroz dikim.”
Mamosteyê Koma Banga Rojê senarîst Hawar Gabar diyar kir ku wan vê lîstikê di nav bêderfetiyên aborî de lîstine lê ji bo lîstikeke baş derkeve, çi ji destê wan hatiye kirine. Gabar weha berdewam kir: ”Ez hêvîdar im mêvanên me jî lîstikê ecibandibin. Em ê van xebatên xwe bidomînin û di rojên pêş de jî, em ê lîstika xwe ya bi navê ”Namûs”ê pêşkêş bikin.”
Lîstikvanên Koma Banga Rojê jî dane zanîn ku ew dixwazin Şanoya Destana Derwêşê Evdî û Edûlê, li bajarên din ên Başûrê Kurdistanê jî bilîzin û kar û xebatên xwe jî hîn berfirehtir bikin.

__________________

| Üye İmzalarını Görmek İçin Buraya Tıklayarak Kayıt Olabilirsiniz. |