27-08-2007, 02:40 PM
|
#1 (permalink) | |||||||||||||||
|
Êzidiyan xwestin werin parastin
Niştecihên li ber derî radizên, niha jî rastî pêvedana dûpişkên çolê tên. Heyeta ji Endama Parlementera Ewropayê Feleknaz Uca, Endamê Federasyona Êzîdiyan a Almanyayê Pêşma Hiznî, Berpirsyarê Yekîtiya Ciwanên Şerfedîn Cercur Cengîz, Berpirsyarê Mala Êzîdiyan a Selê ya Almanyayê Şemdîn Baran, Berpirsyarê Komeleya Kaniya Spî Îlyas Îsa, rûspiyên êzîdî Ayno Alî, Xêro Reşo pirsgirêkên mexdûran guhdarî kirin. Welatiyên ji ber kêmasiya alîkariyê tî û birçî li ber tavê mane, anîn ziman ku ji rayedarên Herêma Federal a Kurdistanê alîkariya parastinê dixwazin.
‘Alîkariyê nadin me’ Her wiha ji Parlamentoya Herêma Federal a Kurdistanê jî Wezîrê Kar û Barê Êzîdiyan Dr. Dexîl Xidir Seîd û Cîgirê Serokê Parlementoya Herêma Kurdistanê Kemal Kerkûkî jî bi heyetê re çûn Şengalê. Niştecihên Şengalê ku pirsgirêkên xwe anîn ziman, diyar kirin ku di ser bûyerê re gelek dem derbas bûye, lê hêj di bin tavê de dijîn. Niştecihên ji kêmbûna alîkariyê bi gazinc in, nerazîbûna xwe wiha vegotin: “Ji ber hemû xaniyên me xera bûne, ji her derî mar û dûpişk derdikevin. Em nizanin çawa bikin. Niha hem germ e û hem jî av tune ku em vexwin. Her kes tê dîmen û wêneyan dikişîne û diçe. Tu alîkarî nadin me.” Parastina bi çek xwest Niştecihek Şengalê jî, ji rayedarên Hikûmeta Herêma Federal a Kurdistanê ji bo parastina xwe çek xwest û wiha got: “Ji bo em bikaribin xwe biparêzin, lijneyek an jî hêzek ji nav me bê avakirin, em van pirsgirêkan najîn. Lê divê di hêla çekan de rayedarên Herêma Kurdistanê alîkariyê bidin me. Hûn dibînin ku hemû xanî xera bûne û gelek mirovên me di binî de winda bûne. Ji ber vê yekê divê hêzek ji nav me çêbibe. Heke hêza me ji nav me çêbibe, heta dilopeke xwîn di laşê me de hebe em erd û axa xwe bernadin û biparêzin. Bila ev baş bê zanîn. Bes alîkariyê bidin me.” Jineke ku di teqînê de xizmên xwe winda kirine jî, diyar kir ku ji malbata wê gelek kesan jiyana xwe ji dest dane û birîndar bûne. Nişteciha ku anî ziman niha cihekî wan nîne ku tê de bimînin, banga alîkariyê li rayedaran kir û wiha axivî: “Em hêvî dikin beriya ba, baran û berf bikeve, cihekî ku em bikaribin xwe tê de bisitirînin, bê çêkirin. Nexwe ev zar û eyal hemû wê li holê bimîne.” Êzidî bi tenê nîn in Endama Parlementoya Ewropayê Fekeknaz Uca ku ew bi xwe jî êzîdî ye, diyar kir ku hemû êzîdî û kurd çi li Ewropayê, çi li cihên din, ji bo gelê Şengalê di nava hewldanan de ne ku alîkariyê bikin. Uca, da zanîn ku sedema hatina wan ew e ku hem piştgiriyê bidin gelê Şengalê û hem jî lêkolînê bikin. Uca, anî ziman ku ew dê bi pîrên êzîdiyan ên li Herêmê û him jî rayedarên Herêma Kurdistanê re hevdîtinan bikin. Uca, piştre bi heyeta pê re ji bo sersaxiyê çû navçeya Şêxanê ya Mûsilê ku Serokê Ruhanî yê Êzîdiyan Baba Şêx Xirto û Mîrê Êzîdiyên Cîhanê Mîr Tehsîn Beg. Uca, li wir jî sedema hatina xwe anî ziman: “Em ji bo hemû êzîdiyan sersaxiyê bixwazin hatine vir. Hemû êzîdiyên li Ewropayê dijîn heta ku em hatin vir jî şîn îlan kirin. Ev êrîş ne tenê li dijî êzîdiyan pêk hatiye, li dijî hemû kurdan pêk hatiye. Wê gelê kurd bi alîkarî û çalakiyên xwe li gelê Şengalê xwedî derkeve.” ‘Me bi tenê nehêlin’ Mîrê Êzîdiyên Cîhanê Mîr Tehsîn Beg jî, diyar kir ku bi hatina heyetê kêfxweş bûne û ragihand ku divê hemû êzîdî û kurd bibin yek û xwedî li gelê Şengalê derkevin. Tehsîn Beg, destnîşan kir ku karesateke mezin li Şengalê pêk hatiye, lê divê hemû kurd li ber dijminê êzîdiyan nerazîbûna xwe nîşan bidin ku gelê Şengalê ne bi tenê ye. Tehsîn Beg, bang li Hikûmeta Herêma Kurdistanê jî kir û ev tişt gotin: “Rayedaran alîkarî kirin û em dixwazin alîkariyê bidomînin. Em dixwazin hemû kurd vê komkujiyê wekî nîvê komkujiya Helebçê bibînin û bi hesasiyet nêzîk bibin. Em ji hemû rêxistinên kurd û çalakvanên Ewropayê ku ji bo êzîdiyan çalakiyan dikin, spasdar in.” Heyet piştî serdanê çû tewafa Laleşê ku ji bo êzîdiyan pîroz e. |
|||||||||||||||
|
«
Önceki Konu
|
Sonraki Konu
»
| Konu Araçları | |
| Mod Seç | |
Düzenli Mod
|
|
|
||||
| Konu | Konuyu Başlatan | Forum | Yanıt | Son Mesaj |
| dohl, xwestin, xwezginî (li xelîka) | resko | Folklora Kurdi | 7 | 17-11-2008 09:32 PM |
| Bawer Can - Gulbîn (Gotinên Sitranan) | zîvûzêr | Kürtçe Lyrics | 0 | 24-08-2007 04:25 PM |
| Dîroka Kurdên Êzdî | MÊVAN | Zerduştluk, Şamanizm, Budizm vb. | 2 | 03-05-2007 05:50 PM |
| Gundîno werin dîlanê-koma çiya | rubar | Kürtçe Lyrics | 5 | 19-02-2007 02:09 AM |
| Qewal - Sembola dilpakiyê û parêzerên dînê Êzîdiyan e. | berxwedan | Çandi Gişti | 2 | 09-02-2007 07:37 PM |
Forum saati Türkiye saatine göredir. GMT +2. Şuan saat: 06:35 PM .
(Türkiye için GMT +2 seçilmelidir.)
(Türkiye için GMT +2 seçilmelidir.)
