26-08-2007, 02:48 AM
|
#1 (permalink) | |||||||||||||||
|
Kocberî
  Bi hezaran kurd ji ber şer bi salan e ji welatê xwe dûr dijîn. Gelek kurd li welatê xwe bûne koçberên hundirîn û gelek kes jî koçberî welatên din bûne. Di koçberiyê de herî zêde jin dibin mexdûr û pirsgirêkên dijwar dijîn. Weqfa Jinên Azad ya Navneteweyî (IFWF), li ser jinên kurd ên koçber lêkolînek kir. Lêkolîn li Tirkiyeyê û 5 welatên Ewropayê hate kirin. Encamên lêlokînê di pirtûkê de hatin berhevkirin û hate weşandin. Lêkolîna ku li ser trawmayên jinên kurd ên koçber hatiye kirin bi xebateke zanîstî hate kirin. Weqfa IFWF’ê bi navê ‘Jin, kurd û koçberî’ lêkolîna xwe berfireh da meşandin. Xebatên Weqfa IFWF’ê li Rotterdama Holandayê hate koordînekirin. Her wiha lêkolîn bi alîkariya Enstîtuya Kilinîka Psîkolajîk ya Zanîngeha Utrecht û Navenda Ragihandina Kurdistana Parîsê hate kirin. Bernameya II Daphne ya bi ser Komîsyona Ewropayê (AK) û Weqfa CIBO’yê ve jî piştgiriya madî dayê. Pirtûk 4 beşan pêk tê. Di destpêka pirtûkê de dema jinên kurd li welatê xwe bûn, li ser rewşa jiyana wan û piştî koçberiya Ewropayê rewşa jiyan wan agahî têne dayîn. Di beşa duyemîn de jî pêşnûmaya teorîk a lêkolînê û rêbazên lêkolînê yên zanistî têne nasandin. Encam û îstatîstîkên lêkolînê jî di beşa duyemîn de cih digirin. Di beşa 3’emîn de jî pêşniyarên ku ji bo rêxistinên jinan hatine bicihkirin. Her wiha di vê beşê de bang li rêxistinan tê kirin ku piştgiriyê bidin jinên koçber û yên di trawmayê de... Di beşa 4’emîn de jî çîroka jiyana 5 jinên kurd ên koçber hatiye bicihkirin. BIRÎNEKE KÛR Endama Lijneya Rêveberiya IFWF’ê Ann-Kristin Kowarsch, li ser lêkolînê nêrînên xwe anîn ziman. Kowasch, got ku bi serê xwe koçberî bi pirsgirêk e. Kowarsch, diyar kir ku jinên kurd ên koçber, li welatên lê dijîn bi pirsgirêkên şîdet, şer, nijadperestî û aborî re rû bi rû dimînin. Kowarsch, da zanîn ku ev pirsgirêk di pêşeroja jinan de dibe sedema derûniya xirab û trawmayê bi wan re çêdike. Kowarsch, destnîşan kir ku ew dixwazin ku jinîtî, kurdîtî û koçberiyê bînin ber çavan û wiha axivî: “Cara yekemîn e ku lêkolîneke ev qas berfireh û zanîstî tê kirin. Armanca me ew e ku em rastiya koçberiya jinên kurd raxin ber çavan. Ji ber ku koçberî birînên kûr vedike. Em dixwazin ku di vê hêlê de jinên kurd hişyar bikin û alîkar bin.” BANGÎ RÊXISTINAN DIKIN Kowarsch, daxuyand ku encamên ku hatin bidestxistin dê bişînin rêxistin û kesên ku bi vê mijarê re mijûl dibin. Kowasch, diyar kir ku tiştê herî girîng me bi vê lêkolînê pêdiviyên koçberên jin derxistine holê. Kowasch, di wê baweriyê de ye ku rêxistinên jinan ên li Ewropayê dê guh bidin dengê van û ji jinan re bibin alîkar. Kowasch, bal kişand ser koçberiya hundirîn û got ku li ser jinên koçberên hundirîn divê xebateke cuda bê kirin û wiha dirêjî da axaftina xwe: “Li ser koçberiya hundirîn a li Tirkiyeyê divê navend û komaleyên alîkariya psîkolojîk bên vekirin. Jinên koçber ji ber sedema şerê li Tirkiyeyê ev qas pisgirêkan dijîn û rewşa psîkolojiya wan xirab dike. Ji bo çareseriya bingehîn divê ev şer teqez bê sekinandin.” Bi hezar û 127 jinan re dîdar Xebata lêkolînê salekê berdewam kir. Bi hezar û 127 jinên koçber û penaberên kurd re anketek hate çêkirin. Encamên anket û lêkolînê di pirtûkê de hatin berhevkirin. Pirtûk bi kurdî û îngilizî hate çapkirin. Di pirtûkê de jinên ku rastî şîdeta cinsî, newekhevî, nijadî û zextên siyasî jî hatine cih girtiye |
|||||||||||||||
|
«
Önceki Konu
|
Sonraki Konu
»
| Konu Araçları | |
| Mod Seç | |
Düzenli Mod
|
|
Forum saati Türkiye saatine göredir. GMT +2. Şuan saat: 07:06 PM .
(Türkiye için GMT +2 seçilmelidir.)
(Türkiye için GMT +2 seçilmelidir.)
