23-08-2007, 09:21 AM
|
#1 (permalink) | |||||||||||||||
|
Eger kurd nîn in, em kî ne?
 Gotinên Serokê Saziya Dîroka Tirk (TTK) Yusuf Halaçoglu yên wekî; “Kurd tirkmen in, elewiyên kurd jî bi eslê xwe ermenî ne” rastî nerazûbênên kurdên li Edeney û Amedê dijîn, hat. Nerazîbûnên li dijî Serokê Saziya Dîroka Tirk (TTK) Prof. Dr. Yusuf Halaçoglu ku di sempozyuma bi navê ‘Di Dîrok û Çanda Tirkan de Avşarî’ de derheqê kurdan de gotinên wekî, “Kurd tirkmen in, elewiyên kurd jî bi eslê xwe ermenî ne” bikar anîbûn, didomin. Kurdên di encama koçberiyê de li taxên wekî Gulbahçe, Daglioglu, Karasu û Şakîrpaşa yên Edeney û Amedê bi awayekî tund nerazîbûna xwe anî ziman û Halacoglu wekî ‘Xwendayê cahêl’ binav kir. Ji kurdên li Edeneyê dijîn Resul Sarionluk bi pirsa, ‘Dema tirk ji Asyaya Navîn hatin kurd û ermenî ne li vî welatî bûn? ji Halaçoglu kir û wiha axivî: “Dibêje ku elewî ermenî ne, kurd nizam çi ne. Gelo tirk kî ne? Dikare bersiva vê yekê bide. Ji Asyaya Navîn hatin û li ser gelan desthilatdarî meşandin, gel berî hevdu dan. Gelo dawiya vê polîtîkaya înkarê dê kude biçe? Ez kurd im. Xwedê ez wekî kurd afirandime. Heta dawî jî ez ê wekî kurd bijîm. Ji Trakyayê bigire heta Sîlopiyê ev erdnîgarî ya min e. Ez li ser vê axê hatim dinyayê û ez ê li ser vê axê bimirim.” ‘Em kurdin di nava kurdan de elewî jî hene êzidî jî’ Hemwelatiyê bi navê Halis Aydin jî nêrînên xwe bi gotinên, “Li ser vê axê kurd jî, ereb jî, tirk jî dijîn. Lê belê herkes dizane û nikare înkar bike ku gelê Mezopotamyayê yê herî kevin kurd in. Ji Medan bigire heta niha vê rastiyê herkes dizane. Ma dê Halacoglu vê rastiyê berevajo bike. Tirk ji Asyaya Navîn hatine û paşeroja wan 800-900 sal e. Gotinên bi vî rengî eleqeya wan bi zanistiyê re tune ye, zêdetir bi polîtîkayê re eleqedar e. Yanê tiştekî îdeolojîk e. Ji ber vê yekê kes van gotinan cidî nagire. Lê belê ji ber ku ji devê rayedarekî dewletê derketiye, em vê yekê qebul nakin. Em kurd in û kurd jî 20 milyon in. Di nava van kurdan de elewî jî hene, êzîdê jî hene. Kes nikare vê gotinê qebul bike. ‘15 sal e li Edeneyê me lê peyvek tirkî nizanim’ Her wiha li ser mijarê jina bi navê Keyfî Yildirim jî anî ziman ku ew 15 salin li Edeneyê dijî lê peyvek jî tirkî nizane û ev tişt gotin: “Heke ez ne kurd im tirkmen îm ez çima tirkî nizanim? Ez çi me? Zimanê min çiye? Gelo van pirsan kes jixwe pirs dike? Divê kesên ku dibêjin kurd tune ne, bersiva vê pirsê jî bidin. Em kurd in û heta dawiyê jî em dê kurd bin. Ji bo ku em wekî kurd bên qebulkirin jî em dê her tiştî bikin. Ez derdê xwe bi tu zimanan nikarim vebêjim. Heke ez tirkmen in, minê zanibûya bi tirkî biaxivim. Minê bikariba di nexweşxaneyê de derdê xwe biîna ziman. Lê belê ji ber ku zimanê min kurdî ye, nikarim li tu deran derdê xwe vebêjim.” Hemaîl Bayram jî bi gotina, “Em ji Şirnexê hatin Edeneyê. Ez 17 sal in li vir dijîm lê peyvek tirkî nizanim. Dibêjin kurd tune ne pekî em kî ne? Ez ji kurdî behtir nikarim peyvek bi zimanekî din biaxivim lê ez çawa ne kurd im? Yê ku vê gotinê dibêje bixwe re dibêje profesor. Lê belê ev ne profesor e ev cahîl e. Cahîlê xwendevan e. Xwendin û nivîsandina min tune ye lê ew ji min cahîltir e. Bi salan e digotin kurd tune ne lê êdî hebuna me dinya qebul dike ew hê jî li ser gotina xwe ya kevin disekinin” bertek nîşanî gotinên Halaçoglu da. Nerazîbûna amediyan a li dijî Halaçoglu: Bêrêzî kiriye Piştî axaftina Serokê Saziya Dîroka Tirk (TTK) Yusuf Halaçoglu ya li Qeyseriyê di sempozyuma bi navê, ‘Dîrok û çanda tirkan de avşarî’ li ser kurdan kirî de, bertekên li hemberî wî zêde dibin. Amediyan bertekek tûnd nîşanî gotinên Halaçoglu yên wekî, ‘Kurd tirmen in û kurdên elewî jî ermenîn e’ dan û ev yek wekî bêrêziyek mezin nirxandin. Amediyan ligel hemû bangawaziyên îstîfakirinê û nerazîbûnên li hemberî Halaçoglu jî cardin parastina wî ya van îdîayan şermezar kirin. Amediyan nêrînên xwe yên têkildarî mijarê wiha anîn ziman; ‘Lazim e hemû kurd bertekê nîşan bidin’ Alî Gorpinar (Xwendekar): Ev axaftina Halaçoglu nîşaneya dewamkirina înkara kurdan e. Bi daxuyaniya serokek saziya dewletê ya fermî her tiştî derdixe holê. Li hemberî gelek dîroka wî ev qas kevin gotinek wiha neheqiyek mezi e. Lazim e hemû kurd bertekê nîşanî vê daxuyaniyê bidin. Velî Tolan (Xwendekar): Lazim e dîrovanên kurd bên em hev û vê pirsgirêkê ji holê rakin. Dîroka kurdan xwedî paşerojek kurd nîne. Lê kurd dîroka xwe baş nizanin. Di vî warî de kêmasiyên me jî hene. Lê dîrokvanên me jî hene. Ev gotinek nijadperestî ye. Lazim e ev dîrokvanên nijadperest pêşiyê dîroka kurdan bixwînin, piştre van daxuyaniyan bidin. Li Tirkiyeyê 20-25 milyon kurd dijîn, çawa dikare daxuyaniye wiha bide. Ev ne gotinên akademîk in, nijadperestî ne. Murat Eryilmaz (Serbest): Gotinek bêtalîh e. Ji zanistîbûnê dûr e. Li ser bingeha red û înkarê hatiye kirin. Em kurdin û li vir in. Hemûna kurdan bi zanistî li holê ye. Tiştên berovajî vê yekê tê wateya înkarkirina beşek gelê li Tirkiyeyê dijî. Em vê daxuyaniyê şermezar dikin. Lazim e Halaçoglu ji peywirê bê avêtin. |
|||||||||||||||
|
|
23-08-2007, 09:28 AM
|
#4 (permalink) | |||||||||||
|
[quote=PCkopat;1404054]me kirin eskimo me kirin turkmen..
. . emé kingé bivin kızılderili an ji aborjin....ez zirani dikim??[/QUOTE em ji karkurd derketin û êdî bûn eskîmo û tirkmen lê bilaqe em bibim kızılderîlî jî lo... em bibim çi jî em dibin bela serê wan dawiya dawî ku heta mafê xwe bistînin... |
|||||||||||
|
|
«
Önceki Konu
|
Sonraki Konu
»
| Konu Araçları | |
| Mod Seç | |
Düzenli Mod
|
|
|
||||
| Konu | Konuyu Başlatan | Forum | Yanıt | Son Mesaj |
| Jina Kurd DivÊ Bi ZanebÛn Û Bi ZimanÊ Xwe ZarokÊn Xwe Mezin Bike | heci | Çandi Gişti | 2 | 14-02-2008 09:13 AM |
| BÎr AnÎna QazÎ Mihemed Û HevalÊn WÎ ! | sezi | Dirok | 4 | 28-06-2007 02:36 PM |
| Generalê kurd: Em ne tehdîd û ne jî noxteya zeîf in | newalaqesaba | Çandi Gişti | 1 | 23-06-2007 10:54 AM |
| Ey Jina Kurd | Numberone | Helbesten Kurdi | 5 | 17-12-2006 11:03 PM |
| Şoreşa Qoçgîriyê | heci | Dirok | 3 | 30-11-2006 10:19 AM |
Forum saati Türkiye saatine göredir. GMT +2. Şuan saat: 08:27 PM .
(Türkiye için GMT +2 seçilmelidir.)
(Türkiye için GMT +2 seçilmelidir.)
